ISAIAH 51:12 - Lai (Hakha) Common Language Bible 2006

¹² Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:12 Խաչաձեւ Հղումներ

SALM 118:6

Bawipa cu ka sinah a um caah zeihmanh ka ṭih lo; minung nih cun ka cungah zeidah an tuah khawh lai?

1 PETER 1:24

Cathiang nih a ti bangin, “Mi vialte cu ram bantuk an si, An sunparnak vialte cu ramlak pangpar bantuk a si; Ram cu a thi i pangpar cu a ṭil,

ISAIAH 2:22

Thih thiammi minung cu i bochan hna hlah u. Zeihmanh an ṭhathnem ṭung lo.

JOHAN 14:18

“Nanmahte lawngin kan kaltak hna lai lo; nan sinah ka ra kir ṭhan lai.

ISAIAH 66:13

Nu nih a fa a hnemh bantukin Jerusalem khua chungah kan hnemh hna lai.

MATTHAI 10:28

Pum cu a that kho ko nain thlarau a that kho lomi cu va ṭih hlah u; hell chungah pum he thlarau he a that khotu Pathian tu kha va ṭih u.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

PHUNGTHLÛKBIA 29:26

Mi kip nih uktu bawi duhdawtnak hmuh kha an duh, Sihmanhsehlaw mi nih biading cu Bawipa sin lawngin an hmuh.

SALM 146:4

An thih tikah leidip ah an kir ko; cu ni ah cun an khuakhannak vialte cu an dong fawn ko.

SALM 92:7

miṭhalo kha belh bantukin an ṭhan i thil ṭhalo a tuahmi hna kha thluachuah an hmuh hi a si; sihmanhsehlaw rawhralnak an hmu ko lai,

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.

2 SIANGPAHRANG 1:15

Cun Pathian vancungmi nih Elijah cu a thawh i, ‘Amah he cun vung kal ko; amah cu ṭih hlah,” tiah a ti. Cucaah a tho i siangpahrang sinah cun amah he khan an vung kal,

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

JEREMIAH 38:19

Cun Siangpahrang Zedekiah nih cun Jeremiah sinah khan, “Khaldi mi hna sinah a zammi Judah mi kha ka ṭih hna, zeicahtiah kha hna kut chungah khan Khaldi mi hna nih hin an ka chanh lai i ṭhalo in an ka tuah sual lai,” tiah a ti.

EZEKIEL 2:6

Sihmanhsehlaw mipa, annih cu ṭih hna hlah, an chimmi bia zong kha ṭih hlah, nangmah dohtu le miṭhalo si ko hna hmanh seh law ṭih hna hlah, tlangngaikuang cung i a ṭhumi bantuk si hmanh law, ṭih hna hlah. Ral thawh hmangmi si ko hna hmanh seh law an chimmi siseh, an muisam siseh, ṭih awk zeihmanh a um lo.

1 SAMUEL 17:11

Saul le Israel mi vialte nih Filistin mipa bia kha an theih tikah an lung a dong i an thin a phang ngaingai.

1 SAMUEL 21:13

Cucaah an hmaiah a umtu ziaza cu a thlen i an kut chungah cun aa hruhter, kutka innkhar cung hawi hna ah khan zei zei khi dik a ṭial hna i a cil hawi hna kha a khahmul ah khan a luanter.

ISAIAH 8:12

“Hi mi hna an khuakhannak ah hin i tel hlah, cun an ṭihmi zong hi ṭih hna hlah.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

ISAIAH 61:2

Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le