ISAIAH 50:11 - Lai (Hakha) Common Language Bible 2006

¹¹ Midang hrawhnak khua a khang lengmangmi hna, nan dihlak in nanmah khuakhanmi lila nih an hrawh hna lai. Cucu Bawipa hrimhrim nih nan cungah a tlunter lai i temhnak cu nan in lai.

ISAIAH 50:11 Խաչաձեւ Հղումներ

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

JOHAN 8:24

Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

JONAH 2:8

Santlailo siasal a biami hna nih cun nangmah sin i zumhawktlak in um kha an ngol,

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

JOHAN 9:39

Jesuh nih cun, “Hi vawlei cung i ka run hi, mitcawmi nih khua an hmuh i khuahmumi cu mitcaw ah an i can nakhnga, biathlehnak tuah awkah a si,” tiah a ti.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

ISAIAH 8:22

Vawlei an bih lai, sihmanhsehlaw harnak le muihnak dah ti lo cu zeihmanh an hmu lai lo; cu muihnak cu muihnak ṭihnung a si i cu chungah cun an lut cuahmah ko. Hi harnak caan chung hin luatnak lam an caah zeihmanh a um lai lo.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

MATTHAI 22:13

Cun siangpahrang nih khan a sinum cu a thawh hna i, ‘A kut le a ke kha ṭem u law, khua leng mui lakah hei hlonh u. Cuka ah cun va ṭap seh law a hacang va rial seh,’ tiah a ti.

MATTHAI 8:12

Sihmanhsehlaw Vancung Pennak chung i a um ding a simi hna tu kha cu, khualeng muihnak ah hlonh an si lai i cuka ah cun an ṭap lai i an hacang an rial lai,” tiah a ti.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

PHUNGTHLÛKBIA 26:18

Mi kha a hleng i, “Kan capo ko hen cu,” a timi cu, mei alh tom le thal le thihnak hriamnam hna he lente aa celhmi mimolh bantuk a si.

SALM 32:10

Miṭhalo nih cun temhnak an in a hau ko lai, sihmanhsehlaw Bawipa aa bochanmi cu a dawtnak fek nih khan a huhphenh hna.

SALM 16:4

Pathian dang a zuan lengmangmi nih cun, an cungah harnak an i tlunter. An raithawinak ah kaa tel duh lai lo i an pathian cu ka bia hna lai lo.

ISAIAH 9:18

Hi mi hna ṭhat lonak cu hlingbur le rambur a khangtu mei bantukin a alh. A khu a dir in a dirmi mei, tupi a khangtu mei bantuk a si.

AMOS 4:9

A kangh in a kangmi thli le bangbuar in kan hrem hna; Nan dum le nan mitsur lo hna cu ka hrawh hna; Nan theipi kung hna le nan oliv kung hna cu khaubawk nih an ei dih hna; Sihmanhsehlaw ka sinah nan kir hlei lo. Hihi Bawipa bia hrimhrim a si.

AMOS 4:10

Izipt cung i ka tluntermi rai bantuk kha kan thlahhnawh hna, Nan tlangval hna le nan rangtum run hna cu vainam in ka thah hna. Nan riahhmun hna cu a thut in ka thutter hna, Sihmanhsehlaw ka sinah nan kir hlei lo. Hihi Bawipa bia hrimhrim a si.

HABAKKUK 2:13

Nan teimi miphun hna nih fak piin an rak ṭuanmi cu pakpalawng ah nan ser i an rak sakmi cu meizik in nan khangh dih. Hihi a tuahtu cu ralkapbu Bawipa a si.

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.