ISAIAH 5:28 - Lai (Hakha) Common Language Bible 2006

²⁸ An cantiang cu a har ngaingai i an likuk cu i kuai pengpung in an um. An rang cu an tin kha ṭeklung bantukin an hak, an rangleng kekual hna cu phuchim herh in an i herh.

ISAIAH 5:28 Խաչաձեւ Հղումներ

SALM 45:5

Na thal cu an hriam i na ral cu an lung tiang a taih hna; miphun kip kha na hmaiah an tlu.

NAHUM 3:2

Rang tuknak fung thawng cu ngai hmanh, Rangleng kekual an i mer thawng le rangtum an ke khawn thawng cu ngai hna hmanh.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

JEREMIAH 47:3

An rangtum hna tin khawn thawng cu ngai hmanh! An rangleng hna an rung choi cukmak thawng le an rangleng ke rilh thawng cu! Pale nih an fale caah zeihmanh an ruat kho ti lo; An kut nih zeihmanh a tuah kho ti lo.

JEREMIAH 5:16

An thalbawm cu a chin chinh lomi thlan bantuk a si, An dihlak in miṭhawng an si.

ISAIAH 21:1

Hi bia hi Babilon ram kong bia a si. Thetse ram i a herh in aa herhmi phuchim bantukin, ṭih a nungmi ram in rawhralnak kha a tlung lai.

SALM 120:4

Ralkap cantiang le meiṭil sen in dan an tat hna lai.

BIACEIHTU 5:22

“Khi tikah rangtum ke thawng cu, A rangtum ṭhawng hna an i chaih len thawng he, Fak piin a thang.

ISAIAH 13:18

An li le an thal in tlangval kha an thah duahmah ko hna lai. Ngakchia cungah siseh, bawhte cungah siseh, zaangfahnak zeihmanh an ngei lai lo.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

JEREMIAH 4:13

Zohhmanh, khuadawm bantukin ral cu hmaiah an fong, An rangleng hna cu phuchim bantuk an si; An rangtum hna cu muvanlai nakin an khul a rang deuh — Aize! Kannih cu kan lo cang ai!

EZEKIEL 26:11

Khua chung lam kha a rang ke in a naan dih hna lai i Na mi kha vainam in a thah hna lai i Na tung ṭhawngṭhawng kha vawlei ah an tlu lai.

EZEKIEL 38:9

cun nang cu na ra lai i ṭotho bantukin na ra cutmat lai; cun nangmah le na ralkapbu vialte hna, mi tampi aa fonh ṭhupmi hna nih cun, ram cu khuadawm nih a khuh bantukin nan khuh lai.

DANIEL 11:40

Cun Siria siangpahrang cu a caan a dih dengmang tikah Izipt siangpahrang nih khan a tuk lai i a ṭhawnnak vialte khan a rak doh ve lai — a rangleng hna le a rangtum hna le a tilawng kha a hman hna lai. Izipt ram cu tilian bantukin a luhhnawh lai.