ISAIAH 5:17 - Lai (Hakha) Common Language Bible 2006

¹⁷ Khuapi an rawhnak hmun ah cun tuufa nih ram an ṭam lai i meheh fa nih ram no an ei lai.

ISAIAH 5:17 Խաչաձեւ Հղումներ

ZEFANIAH 2:6

Cun nang Kereth cu, tuukhal hna thlam le tuu riahnak hmun ah na cang dih lai;

ISAIAH 7:25

Rawl an rak cinnak tlang vialte kha hling nih a khuh dih hna lai caah cuka ah cun ahohmanh an kal duh ti lai lo. Caw le tuu tlonnak hmun a si lai,” a ti tiah a ti.

ZEFANIAH 2:14

Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

MIKAH 2:12

“Sihmanhsehlaw nannih Israel mi a tangmi vialte cu hmunkhat ah kan pumh hna lai. Tuukawm kawm khat chung i a ummi bantuk le tlonnak pakhat chung i a tlongmi tuu bantukin hmunkhat ah kan pumh hna lai i, Nan ram ah cun mi tampi thawngpang a leng lai,” a ti.

HOSEA 8:7

Israel nih thli a tuh i phuchim a zun; A dirmi rawl kung vui a ngei lomi nih rawl fang zeihmanh an chuahpi lo. An chuahpi hmanh ah an chuahpimi cu ramdangmi nih an dolh dih lai.

ṬAHNAK HLA 5:2

Kan pale sinin kan comi ro cu khual sinah pek an si i Kan inn hna cu ramdangmi sinah pek an si.

JEREMIAH 5:28

An thau i an tlornal. Ṭhat lonak tuahnak ah khan, a za cang ti an hngal lo, Ngakṭah nih khuaawng an ton khawh nakhnga dingah biading in bia an ceih lo i sifak rethei kha an ṭanpi hna lo.

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 32:14

Siangpahrang inn hmanh kha chuahtak a si lai i an ram chung khualipi kha zamtak a si lai. Ral vennak inn hna le umnak inn hna cu saram kua an si zungzal cang lai. Khika ah ramlak laa kha an i chawk lai i tuu kha an tlong lai.

ISAIAH 17:2

Siria khua hna cu zungzal in chuahtak an si lai. Tuu le caw tlonnak hmun ah an cang lai i ahohmanh nih an ṭhawl hna lai lo.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

SALM 119:70

Hi mi hna cu hngalhnak a ngei lomi an si, sihmanhsehlaw kei cu na nawlbia ah kaa lawm.

SALM 73:7

An mit pawt lellul pipi in an um i an lungthin cu ṭhat lonak khuaruahnak in a khat.

SALM 17:14

na ṭhawnnak in an kut chungin ka khamh tuah, hi vawlei cung nun chung i an duhmi thil vialte tling tein a ngei khomi hna kut chung hin ka khamh tuah. An caah na khonmi dantatnak kha an cungah tlunter law an tefa hna ca zongah i za seh law an tefa hna tefa chin hna ca zongah i za rih seh.

SALM 17:10

zaangfahnak zeihmanh an ngei lo i

NEHEMIAH 9:37

A theitlai hna cu, kan sual ruang i kan cung i na chiahmi siangpahrang hna sinah khan a kal dih; an duh duh in kan takpum cung le kan saṭil cung zongah khan nawl an ngei i kannih cu kan re a thei ngaingai ko,’ ” tiah a ti.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;

HOSEA 4:16

Israel mi cu cawla bantukin a lung a ṭhawngmi an si. Cucaah zeitindah tuufa bantukin ramhnonak ah cun rawl ka pek khawh hna lai?