ISAIAH 5:15 - Lai (Hakha) Common Language Bible 2006

¹⁵ An dihlak in ningzahnak an hmu lai i milungpuam vialte kha ṭhumh an si lai.

ISAIAH 5:15 Խաչաձեւ Հղումներ

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:9

An dihlak in ningzahnak le hmai-chiatnak an phan lai. Bawipa, annih cu ngaihthiam hna hlah!

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

JEREMIAH 5:9

Hi thil hna ruangah hin, dantat loin maw ka um hna hnga? tiah Bawipa nih a ti; Cun hi bantuk miphun cungah hin phuhlam loin maw ka um hnga?

ISAIAH 37:29

Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

ISAIAH 10:33

Bawipa Ralkapbu hna Bawipa nih thing nge thlangh in a thlangh hna lai. Aa porhlaw bikbik hna le a sang bikbik hna kha a thlangh hna lai i ningzahnak a phakter hna lai.

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

ISAIAH 2:17

Cun minung porhlawtnak cu a dong lai i minung ruamkainak cu a rawk lai. Cu ni a phak tikah cun Bawipa lawnglawng kha hlorh a si lai i

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

EXODUS 9:17

Asinain ka mi hna cungah na ruam a kai ṭhiamṭhiam rih i kalter na duh hna lo.

2 SAMUEL 22:28

Nangmah nih toidormi cu na chuahter hna, Sihmanhsehlaw ruamkaimi cu annih kha ṭhumh awkah an cungah na mit a um.

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

PHUNGTHLÛKBIA 30:13

A ṭha hringhran i aa ruatmi zong an um, aize, a ṭha tuk hringhran ah khin pei an i ruah cu!

ZEFANIAH 3:11

Khi ni ah cun ka mi hna cu, Keimah dohnak caah nan rak tuahmi thil ruangah khan nan ning a zak ti lai lo; zeicahtiah nan mi aa porhlawmi le a ruam a kaimi vialte hna kha nan lakin ka ṭhial dih hna lai i ka tlang thiang cungah hin ruamkai in nan um ti lai lo.

ISAIAH 2:12

Khi ni ah cun Ralkapbu Bawipa nih a ṭhawngmi le aa porhlawmi le a ruam a kaimi vialte kha a ṭhumh dih hna lai.