ISAIAH 49:25 - Lai (Hakha) Common Language Bible 2006

²⁵ Bawipa nih hi bia halnak cu a leh i, “Cu bantukte cu a um laimi thil hi a si. Ralkap nih an tlaihmi hna thongtla cu an chuak lai i Bawi ṭhawng cu a hranchaw kha chuh a si lai. Nanmah an dotu hna paoh cu ka doh hna lai i nan fale cu ka chuah hna lai.

ISAIAH 49:25 Խաչաձեւ Հղումներ

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ZEKHARIAH 14:12

Jerusalem a dohtu miphun vialte kha Bawipa nih a tuk lai i rai an in dingmi cu hihi a si lai; an dir ko lioah an sa kha a tlol lai, an mitkuak chungah an mit kha an thu lai, an kaa chungah an lei kha an tlol lai,

ISAIAH 14:2

Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an ṭuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.

ISAIAH 10:27

Cu caan a phak tikah Assiria ṭhawnnak chung khan nannih cu kan luatter hna lai i an hngawngkual cu nan hngawng ah thilrit an si ti lai lo,” a ti hna.

GENESIS 12:3

Nangmah thluachuah an petu kha thluachuah ka pek ve hna lai i chiat an serhtu kha chiat ka serh ve hna lai. Vawlei cung miphun vialte nih hin, Nangmah thluachuah kan pek bantuk hin thluachuah kan pe ve, tiah an ka hal lai,” a ti.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

ZEKHARIAH 9:11

Nang tu cu, ka sin i bia naa kamnak, thisen in na fehtermi na biakamnak thawng khan, Vawlei tang thonginn chungin na thongtla hna cu ka chuah hna.

JEREMIAH 29:10

“Mah hihi Bawipa chimmi bia cu a si: Babilon cungah hin kum sawm sarih kha a tlin tikah nan bia cu kan lakpiak ṭhan hna lai i thil ṭha nan cungah ka tlunter lai ti in bia kan kammi hna kha ka tlinter lai i hi hmun ah hin kan kirpi ṭhan hna lai.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

BIAPHUAN 18:20

Sihmanhsehlaw amah a rawh ruangah van cu i lawm ko seh. Pathian mi hna le lamkaltu hna le profet hna, i lawm ko u! Zeicahtiah nan cung i a tuahmi ruangah khan Pathian nih amah cu dan a tat cang!

GALATI 4:26

Sihmanhsehlaw vancung Jerusalem cu a luatmi nu kha a si i amah cu kan nu cu a si.

ZEKHARIAH 14:3

Bawipa cu a ra chuak lai i ral dohnak hmun i a ralṭhatnak a rak chuah ni bantuk khan cu miphun hna cu a doh hna lai.

MARKA 3:27

“A ṭhawngmi pa kha a kut le a ke ṭem hmasat lo ahcun ahohmanh nih an luhhnawh kho in a thil an chut kho lai lo; cu ti ṭem hnu lawnglawng ah a inn cu an ramh khawh lai.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

ISAIAH 5:29

An ralkap hna cu, a sa sehmi ka chut hna hlah seh tiah aa kalpimi chiandeih bantuk an si.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 19:20

Cu biakṭheng le lungphun cu Izipt ram chungah Ralkapbu Bawipa a um ti hngalhnak hmelchunhnak a si lai. Cuka mi hna nih hremnak an in i Bawipa kha, kan bawm tuah tiah an hal tikah annih chuahtu dingah khan mi a thlah lai.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 33:22

Cu lawng cung i thil hnuhnak hri vialte cu santlailo an si; lawng puanzar cu samh khawh an si lo. Kan ral hna ralkapbu i an chawva vialte cu lak dih an si lai. A tam tuk hringhran lai caah kebei hmanh nih an i cuh khawh ve lai. Bawipa hrimhrim cu kan siangpahrang a si lai i amah nih a kan uk lai i a kan huhphenh lai.

ISAIAH 40:2

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

JEREMIAH 15:21

Miṭhalo mi hna kut chung khan kan chuah lai i, Thlachiat ruat lomi hna kut chung khan kan khamh lai,” tiah Bawipa nih a ti.

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

LEVITIKAS 25:54

Cun mah tining hin tlanh a si khawh lo ahcun jubili kum ah amah he a fale he luatter an si lai.

ISAIAH 51:14

Thong i a tlami kha tuan ah chuah an si lai; saupi an nung lai i an herhmi rawl kha an hmuh dih lai.

JEREMIAH 31:11

Bawipa nih Jakob cu a tlanh ṭhan cang i A ṭhawngmi a ral kut chung khan a chuah ṭhan cang.