ISAIAH 49:19 - Lai (Hakha) Common Language Bible 2006

¹⁹ “Na ram cu a rak rawk dih i pakpalawng ah a rak cang dih, sihmanhsehlaw atu cu, a chung um awk i a ra dingmi hna caah a hme tuk cang lai. Nangmah cu rawk relrul in an kaltaktu hna kha na sinin lamhlapi ah ṭhial an si cang lai.

ISAIAH 49:19 Խաչաձեւ Հղումներ

ZEKHARIAH 10:10

Khi tikah Izipt ram in ka lak hna lai i Assiria ram in ka pumh hna lai; Gilead ram le Lebanon ah ka luhpi hna lai, an ca i hmun a um ti lo tiangin.

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

EZEKIEL 36:3

Cucaah chim law, hihi Bawipa Pathian bia an si, tiah ti: Nannih Israel tlang hna, miphun dang hna nih an in tlaih hna i an in uk hna tikah nan velchum in mi nih an in rial hna i an in lamhchih hna; nan min cu bia an chimnak kip ah khan an cem chih lengmang.

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

JEREMIAH 51:33

Ralkapbu Bawipa, Israel Pathian nih, Babilon cu facang cilnak phuhri bantuk a si, A rauh hlanah a cungah facang ṭuan caan a phan lai, tiah a ti.

JEREMIAH 30:16

Asinain, an eitu vialte cu ei an si ve lai i An hremtu vialte hna cu sal ah an tang lai. Nangmah aan ramhtu cu ramh an si ve lai i nangmah aan hrawktu cu hrawh ka siter ve hna lai.

ISAIAH 49:17

Nangmah an remh ṭhantu ding cu an ra dengmang cang, nangmah an hrawktu cu an kal zau lai.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai,” a ti.

PHUNGTHLÛKBIA 1:12

Sheol bantukin an nung na bu in dolh hna u sih; Sualnak an ngei lo nain khor chung i a vung kalmi hna bantuk khi si hna seh.

SALM 124:3

kan nung in an kan dolh dih hnga, an thinhun ling ah khan an rak kan dolh dih hnga.

ISAIAH 1:7

Nan ram cu a rawk dih i nan khua cu an kang dih. Nanmah mit hmuh hrimhrim ah ramdangmi nih khan nan ram cu an lak i an hrawh dih.

ISAIAH 3:8

Asi, Jerusalem cu a lo ko cang! Judah cu a tlu cuahmah ko cang! An chimmi le an tuahmi paoh cu Bawipa duh lomi lawngte an si dih; langhngan in Pathian hrimhrim kha an nihsawh.

ISAIAH 54:3

A kam kip in na ramri cu na kauh lai; miphun dang nih atu ah an umnak ram hi na mi nih an co ṭhan hna lai; atu i a kingmi khua hi a linsa ṭhan lai.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.