ISAIAH 49:10 - Lai (Hakha) Common Language Bible 2006

¹⁰ zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

ISAIAH 49:10 Խաչաձեւ Հղումներ

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

EZEKIEL 34:23

Cun annih zohkhenhtu dingah tuukhal pakhat kha an cungah ka chiahpiak hna lai i cucu ka sal David kha a si lai;

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 4:6

A sunparnak nih khan khua cu chun ah thladem a demh lai i himnak hmun, thli le ruah in himnak hmun ah a ser lai.

ISAIAH 54:10

Fing le tlang hmanh khi an cim hnga i an rawk ko hnga, sihmanhsehlaw kei nih kan dawtnak cu zeitikhmanh ah a dong lai lo. Daihnak kan pek lai, tiah bia kaa kammi cu, a zungzal in ka zulh lai,” tiah nangmah an dawtu Bawipa nih a ti.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

ISAIAH 35:6

Kebei cu an pet an lam lai i a holh kho lomi kha lunglawmhnak in a au in an au lai. Thetse ram chungah khan tiva a luang lai;

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

ISAIAH 51:14

Thong i a tlami kha tuan ah chuah an si lai; saupi an nung lai i an herhmi rawl kha an hmuh dih lai.

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 65:13

Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a ṭam lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

MIKAH 7:14

Bawipa, na mi na thimmi hna hi nangmah nih khal hna. Annih cu anmah lawngin ramlak ah khan an um i ram hninghno nih khan a kulh hna. Hlan liopi ah an rak tuah bantuk khan Bashan le Gilead i a ummi ramhno lakah cun kalter hna law tlonter hna.