ISAIAH 48:4 - Lai (Hakha) Common Language Bible 2006

⁴ Lunghak mi nan si lai ti kha ka hngalh cia, thir bantukin a ṭhawng i dar bantukin kuaih khawh lomi nan si.

ISAIAH 48:4 Խաչաձեւ Հղումներ

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

EXODUS 32:9

Bawipa nih Moses cu a thawh i, “Hi mi cu ka hngalhmi hna an si, milungṭhawng an si.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

JEREMIAH 19:15

“Ralkapbu Bawipa, Israel Pathian nih hi bangin a ti: Hi khuapi cungah le a pawngkam khua vialte ah hin ka tlunter lai tiah ka rak timi dantatnak kha, nannih nih nan lung a ṭhawn i ka bia kha ngaih nan duh lo caah, ka tlunter taktak lai, a ti,” tiah a ti.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

DEUTERONOMI 31:27

Zeitintiah zeitluk in dah ralchanh hmang le milungkhong nan si kha ka hngalh. Zohhmanh u, nannih sin i ka nun lio hmanh ah nihin ah Bawipa cu nan ralchanh; zeitluk in dik ka thih hnuah nan hei ralchanh chinchin lai!

EXODUS 33:5

Bawipa nih Moses cu, “Israel mi cu, ‘Nannih cu milungṭhawng nan si. Nan sinah tlawmte hmanh ka kal ahcun kan hrawh dih sual hna lai. Cucaah nan hlawn kha i phoih u law cu tikah nan cung i ka tuah khawhmi kha zeidah a si ti kha ka hngalh lai,’ a ti tiah chim hna,” a ti.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

SALM 75:5

i leksuai ti hlah u ka ti hna i i fak len ti hlah u ka ti hna,” a ti.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

HEBRU 3:13

Nannih cu sualnak nih an hlen hna nakhnga lo le lungṭhawng in nan um sual nakhnga lo, Cathiang nih, “Nihin,” a timi kha nan caah nihin a si chung paoh cu, nifate in pakhat le pakhat i bawm lengmang u.

DANIEL 5:20

Sihmanhsehlaw a hun i porhlawt i mah lung lawng rinh in khua a hung sak i a ruam a hung kai tikah a bawiṭhutdan cung khan amah cu ṭhumh a si i a sunparnak cu chuh a si.

JEREMIAH 7:26

asinain ka bia cu an ngai hlei lo i an hna zong an chi hlei lo, an hngawng tu kha an ṭhawnter. An pupa hna nakin an ṭha lo deuh.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

2 CHANRELNAK 30:8

Nannih cu nan pupa hna bantuk khan hngawngṭhawng si hlah u, sihmanhsehlaw Bawipa sinah khan i pe u law zungzal ca in a thiantermi a hmunthiang ah khan ra u, cun a thinhunnak ṭihnung cu nan sinin aa mer nakhnga Bawipa nan Pathian cu a rian ṭuan u.

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.

DEUTERONOMI 10:16

Cucaah nan lung cuarpar cu tan u law, lungkhong si ti hlah u.

NEHEMIAH 9:28

Sihmanhsehlaw dinhnak an hmuh tikah na hmaiah ṭhat lonak an tuah ṭhan i an ral hna kut chungah khan na kaltak hna i cucaah annih nih an uk hna; asinain an i mer i nangmah kha an in auh tikah nangmah nih vancung khin na run theih hna i na zaangfahnak thawngin voi tampi na chuah hna.

EZEKIEL 2:4

An pupa thawk in nihin ni hrimhrim tiangin keimah kha an ka doh lengmang ko i atu i nangmah kan thlahnak zong hi mi lungṭhawng le mi lungkhong mi chan a si.

EXODUS 9:7

Faro nih khan zeitindah thil umtuning a si ti kha a hal tik hna ah, Israel mi ta a simi saṭil cu pakhat hmanh an thi lo ti kha a hngalh. Sihmanhsehlaw Faro cu a lung a hak ṭhiamṭhiam i a kalter duh hlei hna lo.

ISAIAH 30:9

Annih cu a zungzal in Pathian kha an doh, a zungzal in lih an chim, a zungzal in Pathian cawnpiaknak kha an al.