ISAIAH 47:10 - Lai (Hakha) Common Language Bible 2006

¹⁰ “Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

ISAIAH 47:10 Խաչաձեւ Հղումներ

ISAIAH 5:21

Nan lo cang! Kan fim nan ti, a fim ngaingai ah nan i ruat.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

ROM 1:22

Annih nih cun, kan fim, an ti, sihmanhsehlaw mihrut an si;

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

EZEKIEL 8:12

A ka thawh i, “Israel mi upa hna nih mui lak i an tuahmi khi na hmu maw? Anmah cio nih an i suaimi milem an chiahnak ah hmunthiang cio i an tuahmi khi? Annih nih cun Bawipa nih a kan hmu lo tiah an ruah i ram hi a hlawt cang, tiah an ruah.

ISAIAH 59:4

Biaceihnak hmun ah nan kal, sihmanhsehlaw ahohmanh bia hmaan a chimmi nan um lo. Nan bia tei khawhnak caah lih kha nan i bochan. Midang harnak peknak caah khua nan khan i cucu nan tlinter taktak.

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

EZEKIEL 9:9

Cun a ka leh i, “Israel mi le Judah mi ṭhat lonak cu a ngan hringhran ko; ram cu lainawnnak in a khat i khuapi cu dinlonak in a khat. Hi ram hi Bawipa nih a hlawt cang tiah an ruah. Bawipa nih zeihmanh a hmu lo, tiah an ruah.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

SALM 64:5

Thil ṭhalo tuahnak ding khua an khanmi ah khan, pakhat le pakhat thazang an i pe, khuazei ah dah kan rap kha kan chiah hna lai tiah an i ceih. “Kan rap cu ahohmanh nih hmu hna hlah seh,” an ti.

ISAIAH 28:15

Thihnak he hnatlaknak kan tuah cang i mithi khua he biakamnak kan tuah cang tiah nan i porhlaw. Lih le hlennak nih an kan huhphenh khawh lai tiah nan i bochan hna caah harnak a tlun tikah kan luat lai tiah nan i ruat.

SALM 10:11

Miṭhalopa nih cun aa thawh i, “Pathian cu a zeihmanh a poi lai lo, a mit aa chinh i a ka hmu bal lai lo,” a ti.

ISAIAH 47:8

Nang, nuamhnak a duhmipa, hi bia hi ngai tuah, him te le hnangam tein ka um, tiah na ruat. Pathian tluk ngan ah naa ruat i keimah bantuk ahohmanh an um lo, tiah na ruah. Zeitikhmanh ah nuhmei cu ka si bal lai lo tiah na ruah i fale thihloh ka ing bal lai lo na ti.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

DANIEL 4:27

Cucaah lungthin kan cheuhmi hi ngai tuah, maw siangpahrang: mi sinah siannak tuahnak thawngin na sualnak kha i tlan law retheimi hna cung i ṭhatnak tuahnak khan na ṭhat lonak cu i tlan tuah, cuticun lungdaihnak saupi na hmuh lai,” tiah a ti.

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.