ISAIAH 46:6 - Lai (Hakha) Common Language Bible 2006

⁶ Mi nih an tangka bawm kha an kau i sui kha an bungh hna; cuaithlainak in ngun kha an thlai hna. Sui soser pakhat kha pathian kan serpiak tiah an fial i cu hmaiah cun an kun i cucu an biak.

ISAIAH 46:6 Խաչաձեւ Հղումներ

LAMKALTU 17:29

Kannih cu Pathian fa kan si caah, minung nih an fimnak le an thiamnak in an sermi sui milem maw, ngun milem maw, lung milem maw ah khan, Pathian cu kan ruah awk a si lo.

JEREMIAH 10:14

Mi vialte hi mihrut, hngalhnak zeihmanh a ngei lomi an si dih; Sui sertu vialte hna hi an siasal sermi hna nih hin zumhawktlak lo ah an canter dih hna; Zeicahtiah milem an sermi hna cu hlennak men an si i An chungah thaw zeihmanh a um lo.

JEREMIAH 10:9

Denmi sui cu Tarshish in rak phorhmi a si i Sui cu Ufaz in rak phorhmi a si; An dihlak in zungthiampa le suisertupa sermi an si dih. Maimaw le kadipa in an thuamh hna, An zate in zungthiam sermi an si.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

JEREMIAH 50:38

A ti cungah aa thlai ko, an kao dih lai; Zeicahtiah hi ram cu siasal biaknak ram a si, An pathian ṭihnung pipi kha sunparnak an pek hna.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

HOSEA 13:2

Cuhleiah atu zongah hin an sual chin lengmang ko; ukang thir khan siasal an i ser. An ngun in siasal cu an ser hna i annih cu minung ruahnak nih a suaichommi hna le minung kut nih a serchommi hna an si. Cun an i thawh i, “Annih cu raithawinak pechan hna u,” an ti. Zeitindah mi nih siasal cu an hnamh khawh hna lai? Cawtum mui a lomi siasal hna cu?

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

SALM 115:7

Kut an ngei, sihmanhsehlaw zeihmanh an tawng kho lo, ke an ngei, sihmanhsehlaw an kal kho lo; an hrom nih aw zeihmanh a ser kho lo.