ISAIAH 46:4 - Lai (Hakha) Common Language Bible 2006

⁴ Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

ISAIAH 46:4 Խաչաձեւ Հղումներ

SALM 71:18

Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na ṭhawnnak le na lianhngannak ka chimnak dingah hin nangmah nih ka umpi ko.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

HEBRU 13:8

Jesuh Khrih cu nizan le nihin le zungzal in amah ning a si ko.

SALM 92:14

an tar tik hmanh ah thei a tlai lengmang i a zungzal in hring dildel in a um i a ṭhawng ngaimi bantuk an si.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

HEBRU 1:12

Angki bangin na bil hna lai i puan bangin an i thleng dih lai. Sihmanhsehlaw nang cu a zungzal in nangmah ningte na si ko i na tar bal lo,” tiah a ti rih fawn.

ROM 11:29

zeicahtiah Pathian nih cun a auhnak hna le laksawng a pekmi hna kongah a lung a let ṭhan bal lo.

MALAKHI 3:6

Keimah cu i thleng loin Bawipa ka si caah nannih Jakob tefa zong nan rawk dih lo.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

MALAKHI 2:16

Mi nih a nupi kha a mak ah siseh, a kalter ah siseh, a cungah ṭhat lonak a tuah a si, tiah Israel Pathian, ralkapbu Bawipa nih a ti.

SALM 68:19

Ni khat hnu ni khat kan thilrit a kan changtu Bawipa cu thangṭhat ko u, amah cu a kan khamhtu Pathian a si.

SALM 71:9

Atu cu a tar cang aipat tiin ka hlaw sawh hlah, san a tlai ti ualpat lo tiin ka kaltak hlah.

ISAIAH 48:12

“Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.