ISAIAH 46:3 - Lai (Hakha) Common Language Bible 2006

³ Jakob tefa hna, ka bia kha ngai tuah u, ka mi chungin a tangmi hnihchun vialte hna, ka ngai tuah u. Nan chuahka in keimah nih kan puak hna i nan nu paw chungin kan cawi hna.

ISAIAH 46:3 Խաչաձեւ Հղումներ

ISAIAH 51:7

“Zeidah a hmaan ti kha a hngal i a lung chungah ka cawnpiaknak aa cinkenmi hna, ka bia ngai tuah u. Mi nih an in hro hna le an in zawmhtaih hna tikah nan thinphang hlah u.

SALM 71:6

Ka nun chung vialte nangmah cu kan hngatchan; ka chuahka in nangmah nih na ka huhphenh zungzal; nangmah cu a zungzal in kan thangṭhat lai.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

ISAIAH 46:12

Nannih mi lung hak hna, ka bia ngai tuah u, nannih nih cun teinak cu a hla ngaingai rih tiah nan ruah.

ISAIAH 44:21

Bawipa nih aa thawh i, “Israel mi hna, hi thil hi philh hlah u; ka sal nan si kha philh hlah u. Nannih cu ka sal si awkah kan ser hna, cucaah kan philh bal hna lai lo.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 28:9

Na mi cu khamh ko hna, Maw Bawipa; nangmah ta a simi cu thluachuah pe ko hna. An tuukhal si law zungzal in veng ko hna.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

ISAIAH 10:21

Israel mi hna lakin tlawmpal cu a ṭhawngmi an Pathian sinah khan an kir lai.