ISAIAH 46:1 - Lai (Hakha) Common Language Bible 2006

¹ Atu cu Babilon pathian kha donghnak an phan cang! Hlanah cun Bel le Nebo kha an rak biak hna, sihmanhsehlaw atu cu laa cungah khan an khin hna i a tha a bami saram caah phorhrit an si cang.

ISAIAH 46:1 Խաչաձեւ Հղումներ

JEREMIAH 51:44

Babilon ah Bel cu dan ka tat lai i A dolhmi kha ka chakter ṭhan lai; Miphun hna cu amah sinah khan an ra tungmang ti lai lo, Babilon kulhnak vampang cu a cim cang;

ISAIAH 21:9

Cun khulrang in an ra. Rang cungin pahnih pahnih in an ra. Ralvengtu nih cun, “Babilon cu a rawk cang. An biakmi siasal vialte kha vawlei ah kuai liangluang in an ril ko,” tiah thawng a thanh.

JEREMIAH 50:2

“Miphun kip sinah chim law thanh tuah, Hmelchunhnak tar law thanh tuah, Thup hlah; “Babilon cu a tlu cang, Bel cu ningzahnak a phan cang, Marduk cu a hnabei a dong cang, Babilon siasal hna cu ningzahnak an phan cang, a pathian deu hna cu an hnabei a dong cang.

JEREMIAH 51:52

Cucaah zohhmanh, a milem hna cung i biaceihnak ka tuah lai caan le A ram chung dihlak ah hliammi an hrum-ai len lai caan cu a ra lio, tiah Bawipa nih a ti.

JEREMIAH 51:47

Cucaah zohhmanh, Babilon milem hna cu dan ka tat hna lai ni cu a ra lio, tiah Bawipa nih a ti; A ram cu a ning piin ningzahnak a phan lai, A mi an thahmi hna cu a chungah cun an ril liangluang ko lai.

JEREMIAH 10:5

Cu bantuk siasal hna cu zil dum i ritṭih thlaimi bantuk ceo an si ko, an holh kho lo; An kal khawh lo caah a phorh in phorh an herh. Annih cu ṭih hna hlah u, harnak zeihmanh an tuah kho lo, Ṭhatnak zong zeihmanh an tuah kho fawn lo.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

1 SAMUEL 5:3

Cun a thaizing ah, Ashdod khuami hna cu zingkate in an thawh tikah, zohhmanh, Dagon cu a bawktakhup in vawlei ah Pathian kuang hmaiah cun a rak tlu. Cucaah Dagon cu an lak i a umnak kel ah khan an chiah ṭhan.

EXODUS 12:12

Cu zan ah cun Izipt ram ah khan kaa chawk lai i fater vialte kha minung si hna seh, saram si hna seh, ka thah dih hna lai. Izipt ram pathian vialte kha dan ka tat dih hna lai; keimah hi Bawipa cu ka si.

MATTHAI 23:4

Thil kha ritpi in an tom i mi keng cungah an chuan, sihmanhsehlaw annih vial nih cun an kutdong par hmanh in an tawng duh lo.

NAMBAR 32:38

Nebo le Baal-meon (an min cu thlen a si cang) le Sibmah an ser hna; khua an sermi hna cu min dang an bunh hna.

ISAIAH 2:18

siasal cu an lo dih lai.

ISAIAH 30:6

Thlanglei thetse ram chung i a ummi saram hna kong ah Bawipa nih a chimmi bia cu hihi a si: “An lamkaltu hna cu, ṭih awk umnak ram, chiandeih le sivai ngeimi rul le zuan a thiammi rulpi an umnak ram tan khan an kal. Bawmhnak zeihmanh a pe kho ṭung hna lomi miphun phorh awkah khan an laa le an kalauk hna cu a man a fak ngaingaimi laksawng kha an phorhter hna.

ISAIAH 45:20

Bawipa nih aa thawh i, “Miphun kip chung mi hna, hmunkhat ah i pum tuah u; rampi a rawk hnuah a nung rihmi hna, nan bia ceih awkah chuak tuah u. Thing siasal put in aa pummi hna le anmah a khamh kho lomi pathian sinah thla a cammi cu, zeihmanh a hngal lomi an si.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

JEREMIAH 50:38

A ti cungah aa thlai ko, an kao dih lai; Zeicahtiah hi ram cu siasal biaknak ram a si, An pathian ṭihnung pipi kha sunparnak an pek hna.

DANIEL 3:14

Nebukhadnezzar nih cun a thawh hna i, “Shadrak, Meshak le Abednego, nannih nih ka pathian cu a rian ṭuanpiak nan duh lo i ka phunmi sui milem cu biak nan duh lo, an ti cu biatak a si maw?

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

NAHUM 1:14

Assiria mi kong ah Bawipa nih hitihin nawlbia a chuah; “Phuntungtu ngei loin ka tuah hna lai. An Pathian hna biakinn chung milem vialte kha, suaimi he thletmi he, ka hrawh dih hna lai. Nannih Assiria mi hna, nan caah thlan ka co lio — nun awk nan i tlak lo, a ti.

JOB 39:11

Amah cu a thazang a ṭhawng ko nain naa bochan khawh lai maw? Na rian cu amah kha na rinh khawh lai maw?