ISAIAH 45:25 - Lai (Hakha) Common Language Bible 2006

²⁵ Bawipa nih Jakob tefa vialte cu ka chuah dih hna lai i annih nih an ka thangṭhat lai.

ISAIAH 45:25 Խաչաձեւ Հղումներ

ISAIAH 41:16

Van ah na hlerh hna lai i thlitu nih a choih hna lai; thlichia nih a kenkip ah a ṭhek dih hna lai. Sihmanhsehlaw nang cu naa lawm lai, zeicahtiah keimah cu na Pathian ka si, Israel Pathian thiang keimah cu na ka thangṭhat lai.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

1 KORIN 1:31

Cucaah cun Cathiang nih, “Porhlawt a duhmi cu Bawipa nih a tuahmi kha i porhlawtpi ko hna seh,” a ti bang khan, porhlawt a duhmi nih cun Bawipa nih a tuahmi tu kha an i porhlawt awk a si.

ROM 8:30

Cucaah a thleidanmi hna cu Pathian nih a kawh hna i a kawhmi hna cu Amah he khan a remter hna; cun amah he a remtermi hna cu a sunparnak zong kha a hrawmh hna.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.

ROM 4:16

Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

ISAIAH 65:23

An ṭuanmi rian ah khan khua awng an pem lai i an fale nih vanchiatnak an tong lai lo. Anmah he an fale he hmailei caan ra ding tiangin thluachuah ka pek hna lai.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

ISAIAH 61:9

Miphun dang sinah khan an min a thang lai i a hmumi hna paoh nih, thluachuahnak ka pekmi miphun an si kha an hngalh lai,” a ti.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

SALM 64:10

Bawipa nih a tuahmi thil ruangah khan miding mi vialte cu an i lawm lai; Bawipa chungah cun himnak an hmuh lai i miṭha vialte nih amah cu an thangṭhat lai.

SALM 22:23

Annih cu ka thawh hna lai i, “Bawipa sal hna, Bawipa cu thangṭhat tuah u! Jakob tefa hna, amah cu upat tuah u. Israel mi hna, amah cu bia tuah u.

1 CHANRELNAK 16:13

Maw a sal Abraham tefa hna, Jakob fapa a thimmi hna!

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

2 KORIN 10:17

Sihmanhsehlaw Cathiang nih a chim bang khan, “Porhlawt a duhmi nih cun Bawipa nih a tuahmi kha i porhlaw ko hna seh,”

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

ISAIAH 28:5

Khi ni ah Ralkapbu Bawipa cu a tangmi a mi hna caah a sunglawimi bawi luchin pangpar in ṭamhmi bantuk a si lai.

ISAIAH 50:8

Bawipa cu ka pawngah a um caah ningzahnak ka phan lai lo ti kha ka hngalh i ka sual lo kha a langhter lai. Taza a ka cuai ngamtu an um hnga maw? Taza cuainak hmun ah kal tuah u sih. Sual cu ka puh tuah seh.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

JEREMIAH 4:2

‘Bawipa a nun bangin,’ tiin biatak le biading le dinnak in chiat na ser ahcun, Miphun hna nih nangmah bantukin thluachuakmi si ve awkah thla an cam lai i Nangmah ah cun sunparnak an hmuh lai.”

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.