ISAIAH 43:4 - Lai (Hakha) Common Language Bible 2006

⁴ Na nunnak khamh awkah miphun pipi zong kha ka hlawt ko hna lai, zeicahtiah nangmah cu ka caah a sungmi na si i upatnak kan pek i kan dawtmi na si.

ISAIAH 43:4 Խաչաձեւ Հղումներ

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

BIAPHUAN 3:9

Ngai hmanh! Judah mi kan si tiah aa ti i a si ṭung lomi, milihchim pawl, Satan ta a simi kha, na hmaiah ka ratter hna lai i na ke hramah ka kunter hna lai. Annih nih an dihlak in, kan dawt kha, an hngalh lai.

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

JOHAN 16:27

zeicahtiah ka Pa nih cun amah hrimhrim nih an dawt hna. Nannih nih nan ka dawt caah le Pathian sinin a ra ti kha nan ka zumh caah an dawt hna.

HOSEA 11:1

Israel cu ngakchia a si lio in ka dawt; Ka fapa cu Izipt ram chungin chuah awkah ka auh;

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

DEUTERONOMI 26:18

Cun Bawipa nih nihin ah nannih kongah hi bangin a thanh cang: ‘Bia kan kam cang hna bantukin nannih cu keimah ca hrimhrim i miphun nan si, cun ka nawlbia vialte kha nan ulh awk a si,

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

MALAKHI 1:2

“Nannih cu kan dawt hna,” tiah Bawipa nih a ti. Nannih nih nan i thawh i, “Kannih cu na kan dawt maw?” nan ti.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

JOHAN 5:44

Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

ISAIAH 49:5

Ka chuah hlan in Bawipa nih a ka fial; a mi cu kirpi ṭhan hna awkah le aa ṭhekmi Israel mi kha pumh ṭhan hna awkah, a sal ah a ka ser. Bawipa nih upatnak a ka pek; amah cu ka thazang hrampi a si.

DEUTERONOMI 4:37

Cun amah nih nan pupa kha a dawt hna i anmah hnu i an tefa hna cu a thim hna i nannih cu amah hmai hrimhrim in le a liannganmi a ṭhawnnak in Izipt ram in an chuahpi hna i,