ISAIAH 43:25 - Lai (Hakha) Common Language Bible 2006

²⁵ “Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 43:25 Խաչաձեւ Հղումներ

HEBRU 8:12

An palhnak cu ka zaangfah hna lai i an sualnak cu ka hngal camcin ti lai lo,” tiah a ti.

HEBRU 10:17

Cun aa thawh ṭhan i, “An sualnak le an ṭhat lonak kha kaa cinken ti lai lo,” a ti fawn.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

ISAIAH 1:18

Bawipa nih aa thawh i, “Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 44:22

Nan sualnak cu khuadawm bantukin ka chem dih cang. Ka sinah ra kir u, nanmah an khamhtu hna cu keimah ka si,” a ti.

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

MARKA 2:7

“Zeitindah hitihin, Pathian ralchanh in bia chim a ngamh hnga? Pathian dah ti lo nih aho nih dah sualnak a ngaihthiam khawh?” tiah an lung chungin an ti.

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

SALM 25:11

Maw Bawipa, ka sualnak cu zeitluk hmanh in ngan seh law, na min ruangah ka ngaithiam ko.

SALM 51:9

Ka sualnak cu na mit chinhkanh ko hna law ka ṭhat lonak vialte cu ka hnawhpiak dih ko hna.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

EZEKIEL 36:22

“Cucaah Israel mi cu, hihi Bawipa Pathian bia a si, tiah chim hna. Nannih Israel mi hna, hi ka tuahmi hi nanmah ruangah a si lo, nan phaknak miphun kip sin i nan thurhhnawmhtermi ka min thiang ruangah khan a si deuh.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

EZEKIEL 20:9

Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka ṭuan ṭhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

EZEKIEL 36:32

Hi ti ka tuah hi nanmah ruangah a si lo ti kha fiang tein hngal u, tiah Bawipa Pathian nih a ti. Cucaah Israel mi hna, nan ziaza ruangah ningzak hmaichia in um tuah u,” a ti.

EZEKIEL 20:22

Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka ṭuan ṭhan.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

EFESA 1:8

Cu tluk tam in a kan pekmi a vel cu a va lianngan hringhran dah!

LUKA 5:21

Cu tikah Phungbia cawnpiaktu saya hna le Farasi mi hna cu anmah le anmah kha, “Pathian a thangchiatmi pa hi ahodah a si? Ahohmanh nih sual thlahpiak khawh a si ṭung lo, Pathian lawng nih pei thlahpiak khawh a si ko cu,” tiah an i ceih.

2 CHANRELNAK 6:21

Cun na salpa le na mi Israel mi hna nih hi hmun lei hoih in thla kan cam tikah, kan in nawlnak cu kan theihpiak ko; asi, na umnak hmun van khin run thei ko law, cun na theih tikah kan ngaithiam ko.

SALM 103:12

Nichuahlei le nitlaklei an i hlat tluk khin kan sualnak cu kanmah he i hlat ah a kan ṭhialpiak.

ISAIAH 48:11

Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 64:9

cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

EZEKIEL 18:22

A tuahmi ṭhat lonak vialte kha philhpiak a si lai i dinnak a tuahmi ruangah khan a nung lai.

EZEKIEL 33:16

Sualnak a tuahmi kha pakhat hmanh amah dawnkhantu ah hngalhpiak a si lai lo i dinnak le ṭhatnak kha a tuah caah a nung lai.

SALM 51:3

Ka palhnak cu kaa hngal i ka sualnak cu kaa thei zungzal ko.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

SALM 103:3

Ka sualnak vialte kha a ka ngaihthiam i ka zawtnak vialte kha a ka damter;

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,