ISAIAH 43:24 - Lai (Hakha) Common Language Bible 2006

²⁴ Zihmui kha nan ka cawkpiak lo i nan saṭil thau in ka lung nan ka riamhter lo. Nan sualnak tu khan thilrit nan ka khinh i ṭhat lonak nan tuahmi khan ka lungre nan ka theih.

ISAIAH 43:24 Խաչաձեւ Հղումներ

ISAIAH 7:13

Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

ISAIAH 1:14

Nan Thla Thar Puai hna le nan ni thiang hna cu a huat in ka huat hna. Ka caah a phorh ka zuam ti lomi thilrit an si.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

SALM 95:10

Kum sawm li chung awlok an ka chonh i, “Annih cu ka nawlbia a ngai duh lo i ka cungah zumhawktlak in a um duh lomi an si,’ ka ti.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

AMOS 2:13

Ngai hmanh u, leng cu thil khat tein chonh tikah a awnh cuahmah bantukin Kei zong, nan ka neh tuk caah ka hrum ve.

EZEKIEL 16:43

Dai tein ka um lai i ka thin a hung ti lai lo. Na no lio caan kha na philh i na tuahmi thil vialte hin awklokchong in na ka tuah caah kei zong nih na tuahmi thil ruangah na cungah teirul chamnak kha ka tlunter ve, tiah Bawipa Pathian hrimhrim nih a ti. “Hi ningzahnak hi na tuah lo maw? Fihnungmi thil dang zong na tuah hna lo maw?

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: “Ka ral hna, phu kan hlam cang hna lai i harnak nan ka pe ti lai lo.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 3:16

Cun tlangbawi nih biakṭheng cungah rimthaw ca i mei in thawimi rawl ah a khangh hna lai. Thau vialte cu Bawipa ta a si.

EXODUS 30:34

Bawipa nih Moses cu, “A tanglei zihmui, stakte, onikha, galbunum le frankinsen thiang kha aa zat cio ah la hna law

EXODUS 30:7

Aaron nih meiinn kha a zohkhenh hna tikah hi biakṭheng cungah hin zingfate in zihmui kha a khangh lai.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.