ISAIAH 43:23 - Lai (Hakha) Common Language Bible 2006

²³ Khangh thawinak caah nan hmanmi tuu cu keimah nan ka pe lo; raithawinak nan tuah tikah nan upatmi cu keimah ka si lo. Laksawng ka pe u tiah thilrit kan khinh hna lo zihmui ka pe u ti zongah kan ti fawn hna lo.

ISAIAH 43:23 Խաչաձեւ Հղումներ

AMOS 5:25

Nannih Israel mi hna, kum sawm li chung ramcar chung i nan um lioah khan, Raithawinak le laksawng nan ka pe bal hme maw?

MATTHAI 11:30

Ka seihnam cu a bei a nuam i ka thil cu a zaang,” tiah a ti.

MALAKHI 3:8

Minung nih Pathian cu hlen awk a si hnga maw? Si hrimhrim hlah, asinain nan ka hlen.

JEREMIAH 7:22

Nan pupa hna cu Izipt ram in ka chuahpi hna tikah khan, khangh thawinak kong le raithawinak kong ah zeihmanh nawlbia ka pek ṭung hna lo, cu kong ah zeihmanh ka chim ṭung lo.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

LEVITIKAS 2:1

“Ahohmanh nih changvut thawinak kha Bawipa sin i thawinak ah a rak put tikah, a pekchanhmi cu changvut dipmite a si lai; chiti a toih lai i frankinsen a toih lai i

EXODUS 30:34

Bawipa nih Moses cu, “A tanglei zihmui, stakte, onikha, galbunum le frankinsen thiang kha aa zat cio ah la hna law

LEVITIKAS 24:7

Cun a tlang veve ah cun a thiangmi frankinsen na chiah lai, Bawipa sin i mei in pekchanhmi hngalh camcinnak ca changreu he cun an kai ṭi lai.

PHUNGTHLÛKBIA 3:9

Bawipa cu na chawva le na thilri theitlai hmasa bik hna in upat tuah;

JEREMIAH 7:21

Hitihin Ralkapbu Bawipa, Israel Pathian nih a ti: “Nan raithawinak ah nan khangh thawinak cu chap chin luaimai hna u law khangh awk a simi thawinak sa kha ei lawlaw ko hna u.

MIKAH 6:3

Maw ka mi hna, nan cungah zei hen dah ka tuah? Zeitindah nan tha kan batter hna? Mah hihi ka let tuah u.

NEHEMIAH 13:10

Cun Levi mi hna cu an hmuh awk hnga a simi kha an pe hna lo ti kha ka hngalh fawn, cucaah cun Levi mi hna le hlasatu hna cu anmahle an rian cio kha kaltak riangmang in an lo ah an rak zam.