ISAIAH 43:21 - Lai (Hakha) Common Language Bible 2006

²¹ Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 43:21 Խաչաձեւ Հղումներ

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

SALM 102:18

Bawipa nih a tuahmi thil kha a ra lai ding chan caah ṭial tuah u, cuticun a chuak rih lomi nih amah kha an thangṭhat khawh lai.

1 KORIN 10:31

A si ko, sihmanhsehlaw zei nan tuah hmanh ah, nan ei ah siseh, nan din ah siseh, nan tuahmi cu a dihlak in Pathian thangṭhatnak caah siter ko u.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

KOLOSE 1:16

Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

ISAIAH 50:7

Asinain Bawipa Pathian nih a ka bawmh caah an ka serhsatnak cu zeihmanh ah ka rel lo. An ka serhsatnak in khawhnak caah cun ka hmai cu ṭeklung bantuk ka siter.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

SALM 4:3

Bawipa nih amah ta si awkah a ka thim i ka auh tikah a ka theih ti kha philh hlah u.

PHUNGTHLÛKBIA 16:4

Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

SALM 79:13

Cun kannih na mi, na tuurun chung tuu hna nih hin, zungzal in kan in lawmh lai i kan hmailei hna.

ISAIAH 42:12

Lamhlatpi ram i a ummi nih Bawipa cu thangṭhat hna seh law sunparnak pe hna seh.

ISAIAH 43:1

Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

JEREMIAH 13:11

Biar cu tai ah hren chih a si bantukin Israel mi vialte hna le Judah mi vialte hna cu an ning piin keimah ah kaa hren chih hna. Zeicahdah mahtin ka tuah ti ahcun, annih kha ka mi an si i ka caah min ṭhatnak le sunparnak an chuahpi nakhnga, ti caah a si; sihmanhsehlaw ka bia cu ngaih an duh lo.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

SALM 102:19

Bawipa nih a sangmi a hmunthiang khin a run cuanh, vancung khin vawlei cu a run cuanh,

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.