ISAIAH 43:20 - Lai (Hakha) Common Language Bible 2006

²⁰ Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

ISAIAH 43:20 Խաչաձեւ Հղումներ

ISAIAH 41:17

“Ka mi hna cu tihal in ti an kawl i an dang a car tikah, Bawipa nih an thlacamnak cu ka leh hna lai; Israel Pathian nih ka hlaw bal hna lai lo.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

BIAPHUAN 17:14

Annih nih Tuufa kha an doh lai; sihmanhsehlaw Tuufa le Tuufa nih a kawh hna i a thim hna i zumhawktlak zultu a simi hna nih khan an tei hna lai, zeicahtiah Tuufa cu bawi vialte Bawipa le siangpahrang vialte Siangpahrang a si,” a ti.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

ISAIAH 13:22

Innsang hna le bawi inn nuamnuam ah khan cenghngia aw le ramui awnh thawng lawng a leng ko lai. Babilon cu a caan a phan cang! A ni cu a dih dengmang cang,” a ti.

BIAPHUAN 22:17

Thlarau le va ngei laimi ngaknu nih khan, “Ra u,” an ti. Hi bia a theimi paoh nih khan, “Ra u,” ti ve hna seh. Ti a halmi paoh cu ra u, nunnak ti hi a duhmi paoh nih man loin i lak u.

BIAPHUAN 21:6

Cun aa thawh i, “Rian ka lim dih cang. Kei cu Alfa le Omega, hramthawknak le donghnak ka si. Tihal paoh nunnak tiput ti kha man loin ka dinter hna lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

JOHAN 4:10

Jesuh nih cun, “Pathian nih pek an duhmi laksawng kha zeidah a si ti le, cun ti din awk an haltu hi ahodah a si ti kha hei hngal law cu, amah tu hi na hal hnga i nunnak ti kha an pek ko hnga,” tiah a ti.

MARKA 13:20

Bawipa nih cu caan cu rak tawiter hlah seh law cu, khamhmi ahohmanh an um hnga lo. Sihmanhsehlaw a thimmi a mi hna caah cun, cu caan cu a tawiter.

JOEL 3:18

Khi caan a phak tikah tlang hna cu mitsur dum nih a khuh dih hna lai i Fing kip ah saṭil run kha an tlong lulhmalh lai. Judah ram vialte caah ti tampi a um lai. Bawipa biakinn in tiva pakhat a luang lai i Shittim Nelrawn kha ti a pek dih lai.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

SALM 148:10

Saram vialte hna, inn zuat saṭil le ramlak saram hna, a paw in a lawnmi le vate vialte hna, nan dihlak in amah cu thangṭhat u.

SALM 104:21

Chiandeih no kha rawl an kawlpah in an awn, Pathian nih a pekmi hna rawl kha an kawl.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

1 CHANRELNAK 16:13

Maw a sal Abraham tefa hna, Jakob fapa a thimmi hna!

ISAIAH 30:25

Nan ral hna cu an ralhruang nan chuh hna i an mi nan thah hna ni ah tlang kip le fing kip in ti an luang lai.

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 33:21

Bawipa nih a sunparnak kha a kan hmuhsak lai. Tiva ngan pipi le tiva kau pipi pawngah khua kan sa lai, asinain kan ral hna tilawng cu cuka ah cun zeitikhmanh ah an ra lai lo.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

ISAIAH 41:18

Tlang car ah tiva ka luanter hna lai i nelrawn ah cerhti ka putter hna lai. Thetse ram kha tidil ah ka ser hna lai i ramcar kha a luangmi cerh ah ka ser hna lai.