ISAIAH 43:16 - Lai (Hakha) Common Language Bible 2006

¹⁶ Hlanpi ah hin Bawipa nih rili tan in lam pakhat a rak ser i cu lam cu tilet chungin a kal.

ISAIAH 43:16 Խաչաձեւ Հղումներ

ISAIAH 51:10

Rili ti kha a kaoter i rili chungin lam a tuahtu kha nangmah na si i na khamhmi hna nih khan cuka cun an tan.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

SALM 77:19

Rili cungah na ke in na kal, a thukmi rilipi cu na tan, sihmanhsehlaw na ke neh cu hmuh khawh an si lo.

JEREMIAH 31:35

Chun ceutertu ah ni a chia i zan ceutertu ah arfi le thlapa kha a chia i rili tilet kha a thawhter i a awnhtertu nih hitin a ti, a min cu Ralkapbu Bawipa a si:

ISAIAH 51:15

“Keimah cu Bawipa nan Pathian ka si; rili cu ka thawhter i a tilet cu ka awnhter hna. Ka min cu Ralkapbu Bawipa a si!

SALM 106:9

Rili Sen cu nawl a pek i a ro, cun a mi cu vawlei ro cung kal bantukin a kalpi hna.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

EXODUS 14:29

Asinain Israel mi tu cu rili chung khan vawlei ro cungin an kal i ti cu an orhlei le an kehlei ah khan vampang bantukin an i chong.

EXODUS 14:16

Na ṭhiangṭhunh kha hler law rili cungah khan na kut samh tuah, cun rili kha aa ṭhen lai i Israel mi cu rili chung khan vawlei ro cungin an kal kho lai.

ISAIAH 44:27

Rili cu ka nawl in ka carter.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

SALM 77:20

Na mi cu tuukhal bangin na hruai hna, Moses le Aaron kha na cawnghter hna.