ISAIAH 43:13 - Lai (Hakha) Common Language Bible 2006

¹³ Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

ISAIAH 43:13 Խաչաձեւ Հղումներ

ISAIAH 14:27

Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

HEBRU 13:8

Jesuh Khrih cu nizan le nihin le zungzal in amah ning a si ko.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

BIAPHUAN 1:8

Lianngan Bik Bawipa Pathian nih cun, “Kei cu Alfa le Omega ka si,” a ti, cu Pathian a um liomi le a um cangmi le a um laimi cu, zeizong vialte siangpahrang Bawipa a si.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

SALM 93:2

Bawipa, na bawiṭhutdan cu a hramthawk tein a fek i nangmah cu caan thawk hlan in na rak um cang.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGTHLÛKBIA 8:23

Hlan lio piin a ka hmunhter cang, vawlei hramthawk hlanah, a hmasa bik ah a ka ser.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

DEUTERONOMI 28:31

Nan cawtum cu nan mithmuh ah an thah lai i a sa cu nan ei lai lo; nan hmaika ah nan laa cu hramhram in an lak lai i an in khirh ṭhan ti hna lai lo; nan tuu hna cu nan ral kha pek an si lai i, ahohmanh an bawmtu hna an um lai lo.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

ISAIAH 46:4

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

ISAIAH 47:15

Nan chan chung vialte ruahnak nan hal zungzalmi arfi zohthiam hna nih ruahnak an in pekmi hna i an in phakpi hna laimi cu hihi a si ko. An dihlak in an in kaltak hna lai i an duhnak cio paoh ah khan an kal lai, nanmah khamhtu ah a tangmi pakhat hmanh an um lai lo,” a ti.

ISAIAH 48:16

Cucaah ka naih u law ka chimmi kha ngai tuah u. A hramthawk tein hlangfang in kan chimh hna i ka bia cu ka tlinter zungzal,” a ti. (Atu cu Bawipa Pathian nih a ṭhawnnak kha a ka pek i a ka thlah.)

JOSHUA 2:2

Cun Jeriko siangpahrang cu, “Zohhmanh, ram ngiatthlai awkah Israel mi tuzan ah hika ah an ra,” tiah an chimh.

SALM 102:28

Kan fale cu him tein khua an sa lai i an tefa hna cu nangmah nih zungzal in na huhphenh hna lai.