ISAIAH 43:10 - Lai (Hakha) Common Language Bible 2006

¹⁰ “Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

ISAIAH 43:10 Խաչաձեւ Հղումներ

ISAIAH 41:4

Hi thil a umtertu hi ahodah a si? Tuanbia kalning hi hi bantukin si seh tiah aho nih dah a rak ti? Bawipa cu a hramthawknak i a rak ummi kha ka si i Bawipa cu a donghnak i a um laimi zong ka si.

ISAIAH 45:6

Vawleicung mi vialte nih, nichuahlei in nitlaklei tiang, keimah cu Bawipa ka si i Pathian dang an um lo kha an hngalh nakhnga, hi bantukin ka tuah cu a si.

ISAIAH 43:12

Thil um lai ding kha ka rak in chimhchung hna i cu hnuah cun nanmah bawmh ah ka ra. Miphun dang pathian nih cun hi bantukin an tuah bal lo; ka tehte cu nanmah hi nan si.

LAMKALTU 1:8

Asinain Thiang Thlarau nan cung i a tlun tikah cun, ṭhawnnak in nan khat lai i Jerusalem khua le Judea ram vialte le Samaria ram ah le vawlei cung khuazakip ah ka tehte nan si lai,” tiah a ti hna.

FILIPI 2:7

Amah lungtho te tu in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang;

ISAIAH 42:1

Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 41:20

Mi nih khan cucu an hmuh lai i Bawipa nih ka tuahmi a si kha an hngalh lai. Cu thil a umtertu cu Israel Pathian thiang ka si kha an hngalh lai,” a ti.

BIAPHUAN 1:2

Johan nih cun a hmuhmi thil vialte cu a chim dih. Pathian sinin hmuhmi bia le Jesuh Khrih nih a phuanmi biatak Johan nih a chim chinmi cu hihi a si.

JOHAN 20:31

Hi thil lianngan a tuahmi hna ka ṭialnak chan cu, nannih nih Jesuh cu Messiah, Pathian Fapa a si ti kha nan zumh i cu nan zumhnak thawngin amah min in nunnak nan hmuh nakhnga caah a si.

JOHAN 15:27

Cun nannih zong nih a hramthawk tein ka sin i a ummi nan si caah keimah kong kha nan chim ve lai.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

1 KORIN 15:15

Cuhleiah Pathian cu lih kan chimter a si hnga, zeicahtiah Pathian nih Khrih cu thihnak in a thawhter kan ti ṭung i mithi cu thihnak in an thawh ṭung lo ahcun, Khrih cu Pathian nih thihnak in a thawhter lo a si hnga.

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.

KOLOSE 1:7

Cucu Epafras sin khan nan theih; amah cu kan rianṭuanhawi, kanmah aiawh in Khrih ca i rian a ṭuanmi, zumh awk tlak ngaimi a si.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

SALM 102:27

sihmanhsehlaw nang cu zungzal in nangmah bon na si ko i na nunnak a dong lo.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

ISAIAH 48:12

“Ka thimmi Israel mi hna, ngai tuah u, keimah lawnglawng hi Pathian ka si, a hmasa bik le a hmanung bik ka si.

ISAIAH 49:23

Siangpahrang cu nan caah nan pa bantuk an si lai i siangpahrang bawinu hna nih cun hringtu nu bantukin an in umh hna lai. Nan hmaiah niam ngaiin an kun lai i upatnak an in pek hna lai; nanmah an in hmaizah hnanak cu an langhter lai. Khi tikah Bawipa ka si cu nan hngalh lai i keimah bawmhnak a hngakmi paoh cu a khel hna lai lo,” a ti.

HAGGAI 2:23

Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah Bawipa nih a ti, tiah va chim,” a ti. Hihi ralkapbu Bawipa bia a si.

EXODUS 8:6

Cucaah Aaron nih cun a ṭhiangṭhunh cu ti cungah khan a hler i utlak kha an chuak ciammam i ram kha a khah in an khat.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.