ISAIAH 43:1 - Lai (Hakha) Common Language Bible 2006

¹ Israel, nangmah an sertu Bawipa nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

ISAIAH 43:1 Խաչաձեւ Հղումներ

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 42:6

“Vawlei cungah hin dinnak a len nakhnga, Bawipa nih nangmah cu kan kawh i ṭhawnnak kan pek. Nangmah thawng in miphun kip he biakamnak ka ser lai i nangmah thawngin miphun kip sinah ceunak ka tlunter lai.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

ISAIAH 44:2

Nanmah an sertu hna cu Bawipa ka si, nan nunnak a hram a thawknak khan keimah nih kan bawmh hna. Nan thinphang hlah u; nanmah cu ka sal nan si, ka dawtmi ka mithim nan si.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

EXODUS 33:17

Bawipa nih Moses cu, “Na cungah ka lung a tling i nangmah cu ṭha tein kan hngalh caah, na chim bantuk tein ka tuah lai,” a ti.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

LAMKALTU 27:25

Cucaah u le nau hna, nan lungdong hlah u. Zeicahtiah a ka chimh bantukte cun a si ko lai tiah Pathian kha ka zumh.

JEREMIAH 31:3

Lamhlat piin an sinah ka rung lang; Israel mi hna, nannih cu kan dawt zungzal hna i Dong loin kan zohkhenh zungzal ko hna.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

SALM 102:18

Bawipa nih a tuahmi thil kha a ra lai ding chan caah ṭial tuah u, cuticun a chuak rih lomi nih amah kha an thangṭhat khawh lai.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

JEREMIAH 33:24

“Israel le Judah, ka thimmi innchungkhar pahnih hna hi Bawipa nih a hlawt cang hna, tiah mi nih an ka timi hi na ngia maw? Cucaah ka mi hna cu an nehsawh hna i miphun ah an rel ti hna lo.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

ISAIAH 48:17

Israel Pathian thiang, nanmah an khamhtu hna Bawipa, nih, “Keimah cu Bawipa nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si.

JEREMIAH 33:26

Mah hihi ka tuah bantukte hin Jakob tefa hna le ka sal David sin i ka biakamnak cu ka fehter lai. Abraham, Isak le Jakob tefa hna uktu ah David tefa pakhat kha ka thim lai. Ka mi cu an van ṭhatnak kha ka pek ṭhan hna lai i an cungah zaangfahnak ka ngei lai,” tiah a ti.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

ISAIAH 63:16

Nangmah cu kan Pa na si. A kan hringsortu Abraham le Jakob hmanh nih an kan bawm kho lo, sihmanhsehlaw Bawipa, nangmah cu kan Pa na si. Nangmah cu a kan chuahtu zungzal na si.

LAMKALTU 27:20

Ni tampi, ni siseh, arfi si hna seh, hmu kho loin kan um i thlitu cu fak piin a hrang lengmang ko. A donghnak ah cun nun lai hmanh kha kan i ruah ngam ti lo.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

ISAIAH 27:11

Thing nge cu an kiak i an car i nu nih mei tih awkah an khawmh hna. Mi nih khan zeihmanh an hngalh khawh lo caah, anmah a sertu Pathian nih khan a zaangfah hna lai lo i vel zong a ngeih hna lai lo.

ISAIAH 43:5

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

ISAIAH 63:9

Annih khamhtu cu vancungmi a si lo, Bawipa hrimhrim kha a si. A dawt hna i an zawn a ruah hna caah a khamh hna. Hlanah khan a rak zohkhenh zungzal ko hna.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

DEUTERONOMI 32:6

Nannih mihrut le minga hna, Bawipa cu hi bantukin nan rulh lai maw? Amah cu na pa, nangmah an ser, an siam i An fehtertu a si lo maw?

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.

ISAIAH 45:11

Bawipa, Israel Pathian thiang, hmailei thil um ding a sersiamtu nih, “Ka fale kong ah zeihmanh bia na ka hal awk a si lo; cun khakha na ti awk a si, khakha na tuah awk a si, ti zongah na ka chimh awk a si lo.

ISAIAH 49:26

Nanmah an hremtu hna cu anmah le anmah kha ka thahter hna lai, lainawn le thinhun kha a rit in an i rit chih lai. Cu tikah mi vialte nih Bawipa ka si kha an hngalh lai i, nanmah an khamhtu hna le an luattertu hna ka si kha an hngalh lai. Keimah cu Israel Pathian ṭhawng ka si kha an hngalh lai,” a ti.

ISAIAH 51:13

Nanmah kha an sertu hna le van kha a samh i vawlei hram a bunhtu Bawipa kha nan philh cang dahra? Nanmah an hremtu hna an thinhun le nanmah thah an zaltu hna an thinlinh cu zeicahdah ṭih zungzal in nan um? An thinhunnak nih cun a tawngh hmanh an tawng kho hna lai lo.

ṬAHNAK HLA 3:57

Nangmah kha kan auh tikah ka pawngah na um; Nangmah nih, ‘Ṭih hlah,’ na ka ti.