ISAIAH 42:8 - Lai (Hakha) Common Language Bible 2006

⁸ “Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

ISAIAH 42:8 Խաչաձեւ Հղումներ

ISAIAH 48:11

Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

ISAIAH 43:11

Keimah lawnglawng hi Bawipa cu ka si, keimah lawnglawng hi nanmah an khamh khotu hna cu ka si.

EXODUS 34:14

“Nannih nih pathian dang zeihmanh nan bia hna lai lo, zeicahtiah Bawipa cu ka min ah “Nahchuak” ka si i Pathian nahchuak ka si.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

JOHAN 5:23

cucaah mi vialte nih ka Pa cu an upat bantukin Fapa zong hi an ka upat ve lai. Fapa a ka upat lomi paoh nih cun a ka thlahtu ka Pa an upat lo kha a si.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

DEUTERONOMI 28:58

“Hi a lianngan i ṭihnung a simi min, Bawipa nan Pathian, hi nan ṭih nakhnga ca i hi cauk chungah ṭial a simi phungbia vialte hi ṭha tein nan zulh ṭung lo ahcun,

SALM 66:2

A sunglawimi a min kha hla in thangṭhat u, sunparnak in thangṭhat u.

ISAIAH 43:3

Zeicahtiah keimah cu Bawipa na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

DANIEL 5:4

Zu cu an ding i sui pathian le ngun pathian le dar pathian le thir pathian le thing pathian le lung pathian kha an thangṭhat hna.

ISAIAH 48:5

Nan hmailei caan cu hlanpi in ka rak chimchung cang, thil cu an hung um hlanah ka rak thanh chung cang, zeicahtiah cucu nan siasal nih an tuahmi a si nan ti nakhnga lo le nan thirdar milem nih an tluntermi a si nan ti khawh nakhnga lo caah a si.

ISAIAH 48:6

“Ka chimchungmi vialte kha an tling dih; ka chimchungmi kha an hmaan nan ti awk a hau. Atu cu a ra lai dingmi thil thar kan chimh hna lai, hlan i ka rak phuan bal lomi thil kha kan chimh hna lai.

JEREMIAH 33:2

Vawlei kha a ser i mui a ngeihter i a fehtertu Bawipa bia cu hi bangin a si; a min cu Bawipa a si: