ISAIAH 42:25 - Lai (Hakha) Common Language Bible 2006

²⁵ Cucaah cun a thinhun ṭhawnnak kha a kan inter i ral hremnak kha a kan tuarter. Israel mi hna lakah a thinhunnak cu mei alh in a alh, sihmanhsehlaw zei thil dah a um ti kha kan hngal lo, kan i cawn khawhmi zong zeihmanh a um fawn lo.

ISAIAH 42:25 Խաչաձեւ Հղումներ

HOSEA 7:9

Ramdangmi kha an i bochan hna caah anmah thazang kha a ṭum, sihmanhsehlaw cucu an hngal lo; An sam a par dih cang hmanh kha an hngal lo.

ISAIAH 57:11

Bawipa nih aa thawh i, “Zei pathian nan ṭih hna caah dah keimah kha a philh in nan ka philh? Sau tuk dai tein ka um caah maw keimah cu nan ka ṭih ti lo?

MALAKHI 2:2

Nannih nih ka bia kha nan ngaih lo i ka min kha nan upat lo ahcun, nan cungah chiatnak ka tlunter lai, tiah ralkapbu Bawipa nih a ti. Nannih nih zei ah nan ka rel lo caah thluachuahnak nan hmuhmi cu chiatserhnak caah ka canter lai, chiatsernak ah ka canter taktak lai.

ISAIAH 57:1

Miṭha kha an thi, sihmanhsehlaw an thih cu ahohmanh nih zei ah an rel lo, a hngalh hmanh an hngal lo. Asinain an thih ah khan harnak nih fahnak a pek khawh ti hna lonak hmun ah an kal a si.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

EZEKIEL 20:34

Nan i ṭheknak ram chung khan le miphun hna chung khan a ṭhawngmi ka kut le samhmi ka baan le thletmi ka thinhunnak in kan chuah ṭhan hna lai i kan pumh ṭhan hna lai.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 9:13

Israel mi cu an i ngaihchih lo; Ralkapbu Bawipa nih dan a tat hna nain amah leiah an i mer hlei lo.

DEUTERONOMI 32:22

Zeitintiah ka thinhunnak nih mei a kau i Sheol tawne tiang a kangh, Vawlei le a chungchuak a liah hna i Tlang hram kha a kangh hna.

JOB 40:11

Na thinhunnak cu chuahter law aa porhlawmi paoh cu zoh hna law ṭhum hna.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

ISAIAH 9:19

Ralkapbu Bawipa thinhunnak nih ram cu a dihlak in a kangh i mi cu mei rawl ah cun an cang.

ISAIAH 48:8

Rinh awk tlak na si lo cu ka hngalh, na chuahka in midohhmang na si cu hngalh a si. Hi ti na rak si ruangah hin hi kong na theih bal lonak le bia pakhat hmanh na hna a phak bal lonak cu a si.

JEREMIAH 7:20

Cucaah Bawipa Pathian nih hi bangin a ti: Zohhmanh u, hi hmun cungah hin, minung cung le saṭil cungah, lo chung thingkung hna le vawlei theitlai cungah, ka thinhunnak ka bungh lai; a kang lai i a mit ti lai lo.

JEREMIAH 12:11

Ṭiaotakmi hmun, ram pakpalawng le ti um lonak hmun ah an ser i ka ngaih a chia. Ram cu a ning piin thetse ram ah a cang cang, sihmanhsehlaw ahohmanh an zei a poi lo.

ṬAHNAK HLA 2:3

A thinhun in Israel sunparnak ki cu a tan i Ral an rat cuahmah lioah khan a bawmhnak kut cu a zuhkanh hna; Jakob chungah cun meizik bangin a alh i a pawngkam vialte kha a kangh dih.

ṬAHNAK HLA 2:4

Ral bantukin a li kha aa koih; Ral bantukin a dir i A rak lawmh tawnmi vialte hna kha A ban ṭhawng in a thah hna; A thinhunnak cu mei bangin Zion fanu thlam cungah a bungh dih.