ISAIAH 42:15 - Lai (Hakha) Common Language Bible 2006

¹⁵ Fing le tlang kha ka hrawh hna lai i ram le thingkung kha ka carter dih hna lai. Tiva luannak nelrawn kha thetse ram ah ka canter dih hna lai i tili kha ka kaoter hna lai.

ISAIAH 42:15 Խաչաձեւ Հղումներ

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 44:27

Rili cu ka nawl in ka carter.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.

BIAPHUAN 16:18

Nimtlau a lek, khua a ri, ṭek a tla i ṭihnung ngaingai in li aa hnin. Minung ser hramthawk in cu bantuk lihnin cu a um bal lo; lihnin vialte lakah lihnin fak bik a si.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 11:13

Cu caan te ah cun lihnin fak ngaingai pakhat a um; khuapi cu cheu hra cheukhat a rawk i minung thong sarih lihnin nih cun a thah hna. A tangmi pawl cu an thin a phang i vancung Pathian a lianhngannak kha an thangṭhat.

ZEKHARIAH 10:11

Zufrates tiva cungah a fakmi harnak a tlung lai i a ṭhawngmi a ti kha a tuk hna lai; Nail tiva a thuknak vialte cu an kao dih lai. Assiria ruamkainak cu ṭhumh a si lai i Izipt bawifung cu a lo lai;

HAGGAI 2:6

Zeicahtiah ralkapbu Bawipa nih hitihin a ti: Hmailei caan tlawmte chungah van hna le vawlei le rili le vawlei ro hi ka hninh ṭhan hna lai.

EZEKIEL 38:20

Rili chung nga si hna seh, van i a zuangmi va si hna seh, ramlak saram si hna seh, vawlei ah a lawn in a lawnmi saram si hna seh, vawlei cung i a ummi minung vialte si hna seh, ka hmaiah a ther in an ther lai, ka ti. Tlang vialte kha an cim dih lai, lungpang vialte kha an tlu dih lai i ralhau vialte kha an rawk dih lai.

JEREMIAH 4:24

Tlang khi ka hei zoh hna i an sawn len ko, Mual vialte cu an i hnin dih.

ISAIAH 49:11

“Tlang lakah cun lam nganpi pakhat ka ser lai i ka mi hna kalnak ding caah cun lam pakhat ka sial lai.

SALM 18:7

Cun Pathian cu a thin a hun caah vawlei cu aa hnin i a ther; tlang hram hna cu an i hnin i an i sai dih.

ISAIAH 41:15

Facang tuknak fung, a thar i hahar an bunhmi bantuk ah kan ser lai. Tlang kha na rial hna lai i na hrawh lai; fing kha na hmawh dih hna lai i leidip ah an cang lai.

EZEKIEL 38:19

Zeicahtiah ka hamnak hna le ka thinhunnak a linh in a linmi in chiatser in ka chim i cu ni ah cun Israel ram chung dihlak ah lihnin fakpi a um lai.