ISAIAH 42:12 - Lai (Hakha) Common Language Bible 2006

¹² Lamhlatpi ram i a ummi nih Bawipa cu thangṭhat hna seh law sunparnak pe hna seh.

ISAIAH 42:12 Խաչաձեւ Հղումներ

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

SALM 22:27

Miphun vialte nih Bawipa cu an hngalh camcin lai, vawleicung khuazakip in amah leiah an i mer lai; miphun zakip nih an biak lai.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.

SALM 66:2

A sunglawimi a min kha hla in thangṭhat u, sunparnak in thangṭhat u.

SALM 97:1

Bawipa cu siangpahrang a si, maw vawlei i lawm tuah! Rili chung i a ummi tikulh vialte hna, i lawm u!

ISAIAH 12:4

Ni khatkhat cu mi nih hitin hla an sak ni a phan te lai: “Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.