ISAIAH 42:11 - Lai (Hakha) Common Language Bible 2006

¹¹ Thetse ram le a chung i a ummi khua vialte nih Pathian cu thangṭhat hna seh, Kedar mi nih amah cu thangṭhat hna seh. Sela khua i a ummi cu lunglawmhnak in tlang cungin a au in rung au hna seh.

ISAIAH 42:11 Խաչաձեւ Հղումներ

ISAIAH 32:16

Ram chung hmun kip ah mi nih dinnak le biading in rian an ṭuan lai.

ISAIAH 60:7

Kedar le Nebaioth ram tuu vialte kha raithawinak i hman awkah na sinah an ratpi hna lai i Bawipa lunglawmhternak caah biakṭheng cungah an pekchanh hna lai. Bawipa nih a Biakinn cu a sunparter chinchin lai.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

ISAIAH 52:7

Daihnak thawng ṭha i phorh in tlang cungin a rami lamkaltu ke cu zeitluk in dah aa dawh! Teinak kong kha amah nih cun a run thanh i Zion cu a thawh i, “Na Pathian cu siangpahrang a si,” a ti.

ISAIAH 35:6

Kebei cu an pet an lam lai i a holh kho lomi kha lunglawmhnak in a au in an au lai. Thetse ram chungah khan tiva a luang lai;

ISAIAH 21:16

Cun Bawipa nih a ka thawh i, “Kum khat chung hrimhrim ah Kedar miphun lianhngannak kha donghnak a phan lai.

ISAIAH 16:1

Thetse ram i a ummi khua Sela khua in Moab mi nih, Jerusalem khua i bawi a simi sinah laksawng caah tuufa pakhat an kuat.

SALM 120:5

Nannih lak um cu Meshek khua um tluk in a har, Kedar mi hna lak um tluk a si.

GENESIS 25:23

Bawipa nih cun a rak thawh i, “Na chungah hin miphun pahnih an um. Aa ralmi miphun phun hnih na hrin hna lai, pakhat cu a ṭhawng deuh lai i a upa deuh nih a ngakchia deuh kha a rianh lai,” a ti.

JEREMIAH 49:16

Celh awk loin naa porhlawtnak le na lung puamnak nih khan a ping ah an kalpi cang, Lungpang chung lungkua ah na um i a sannak tlangpar hna kha na ta an si, Asinain, muvanlai tluk sang in na bu ser hmanh law, khika in kan ṭhumh lai,” tiah Bawipa nih a ti.

JEREMIAH 48:28

Maw nannih Moab ram mi hna, Khuapi kha kaltak hna u law lungkua ah va um u, Lungkua kaa kam i bu a sami ṭhuro bantuk si ko u.

JEREMIAH 21:13

Jerusalem, nang cu nelrawn cung i lungpi a dirmi bantukin nelrawn cungah sangpi ah na ṭhu. Sihmanhsehlaw Bawipa keimah nih kan doh lai. Naa thawh i, ahohmanh nih an ka tu kho lai lo, ahohmanh nih ka ralhruang hi an bauh kho lai lo, na ti.

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

ISAIAH 35:1

Ramlak le ramcar hna cu an i lawm lai i Thetse ram cu a par lai.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.

ISAIAH 40:3

Aw pakhat nih, “Bawipa caah ramcar chungah lam pakhat sial u! Kan Pathian caah thetse ram i lam cu sial u.

ISAIAH 12:5

Thil lianngan a tuah hna caah Bawipa cu hla in thangṭhat u. Vawlei dihlak nih cu thawng cu thei hna seh.

JEREMIAH 49:31

Tho u, a daithlangmi miphun kha fuh hna u sih, An ruahnak sawhsawh lawng i him tein khua a sa i kutka siseh, kothrolh siseh, a ngei ṭung lomi kha tu hna u sih.

EZEKIEL 27:21

Arabia le Kedar bawi vialte hna cu tuufa le tuukawng le meheh tum in na chawlehnak ah na hram an si; annih he chaw nan i lehnak cu cucu an si.