ISAIAH 42:1 - Lai (Hakha) Common Language Bible 2006

¹ Bawipa nih aa thawh i, “Hi ka sal hi ka dawmhtlaihmi ka sal a si — ka thim i a cung i ka lung a tlingmi a si. Amah cu ka ṭhawnnak in ka khahter i miphun vialte cungah dinnak a tlunter lai.

ISAIAH 42:1 Խաչաձեւ Հղումներ

LUKA 3:22

Thiang Thlarau cu a pum in ṭhuro bantukin a cungah cun a rung ṭum. Cun vancung in aw pakhat a rung thang i, “Nangmah cu kan dawtmi ka fapa na si. Na cungah ka lung a tling,” tiah a ti.

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.

FILIPI 2:7

Amah lungtho te tu in cu vial cu a hlawt dih i sal sinak tu kha aa lak; Minung bantuk ah a cang i minung mui in a lang;

ISAIAH 43:10

“Israel mi hna, ka tehte cu nanmah hi nan si, tiah Bawipa nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

MATTHAI 17:5

Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

ISAIAH 53:11

Fahnak a in hnuah lunglawmhnak a hmuh ṭhan lai, ka inmi cu pakpalawng a si lo, ti kha a hngalh lai. Amah cu a dingmi ka sal a si; mi tampi nih an in dingmi dantatnak cu a in lai i annih cu zumh awk tlak a simi ka mi ah a ser hna lai.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

JOHAN 3:34

Pathian nih a thlahmipa kha a Thlarau cu tling tein a pek caah, Pathian bia cu a chim.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

1 PETER 2:6

Zeicahtiah Cathiang nih, “A sungmi lung pakhat kha ka thim cang i cu lung cu Zion khua i sakmi inn a hram lung caah ka chiah; Amah a zummi cu zeitikhmanh ah an lung a dong lai lo,” a ti.

LAMKALTU 28:28

Cun Paul nih cun a donghnak ah, “A si ahcun Pathian khamhnak bia cu Jentail mi hna sinah thlah a si cang. Annih nih cun an ngaih lai,” tiah a ti hna. (

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

LUKA 9:35

Minmei chung cun aw pakhat nih, “Amah hi ka thimmi ka Fapa a si, a bia kha ngai u,” tiah a run chim.

ZEKHARIAH 3:8

Tlangbawi Ngan Joshua, ngai hmanh, nangmah le na hmaiah a ṭhumi na hawile hna cu, nan dihlak in thil a tlung ding chingchiahnak nan si: atu cu ka sal Thing Nge kha ka ratpi lai.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

LAMKALTU 11:18

Cu bia cu an theih tikah an soinak cu an ngol i Pathian kha an thangṭhat i, “Pathian nih Jentail mi hna zong, i ngaihchih i nun awkah caan ṭha kha a pek ve hna,” tiah an ti.

JOHAN 16:32

Asinain nan dihlak in ṭhek nan si i nanmahle nan inn cio ah nan kal i keimah lawngte nan ka nganh lai caan kha a ra lio i atu hi a phan cang. Sihmanhsehlaw keimah lawng ngaingai cu ka si lo, zeicahtiah ka Pa nih a ka umpi ko.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

ISAIAH 32:16

Ram chung hmun kip ah mi nih dinnak le biading in rian an ṭuan lai.

LUKA 4:18

“Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 4:19

Bawipa nih a mi hna a khamh hna lai ding kum cu va thanh awkah a ka thlah!” tiah aa ṭialnak hmun kha a rel.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

ISAIAH 41:9

Vanhramdeng khin kan ratpi; vawlei cung a hlatnak bik hmun in kan kawh i, ‘Nang cu ka sal na si,’ kan ti. Kan hlaw lo, a thim in kan thim lehlam.

ISAIAH 42:2

A au a khuang lai lo, zatlang lam ah thang urmar in biachimnak a tuah lai lo.

HAGGAI 2:23

Cu ni ah cun ka sal Zerubbabel, Shealtiel fapa, nangmah cu kan lak lai i kan thim cang caah minkhenhnak kutdong hrolh ah kan ser lai, tiah Bawipa nih a ti, tiah va chim,” a ti. Hihi ralkapbu Bawipa bia a si.

SALM 72:4

Siangpahrang nih khan sifakmi kha an bia duhdanh lo tein ceihpiak hna seh law retheimi kha bawm hna seh law mi hremtu kha tei hna seh.

SALM 89:4

‘Na tefa pakhat cu siangpahrang a si zungzal lai; na pennak cu zungzal in ka hmunhter lai,’ ka ti,” na ti. Selah

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.