ISAIAH 41:28 - Lai (Hakha) Common Language Bible 2006

²⁸ An pathian kha ka zoh hna tikah bia chim awk a ngeimi pakhat hmanh an um lo; bia ka halmi hna a ka let khotu pakhat hmanh an um lo.

ISAIAH 41:28 Խաչաձեւ Հղումներ

ISAIAH 63:5

Khua ka cuan, sihmanhsehlaw bawmtu ahohmanh an um lo; mithram cat in ka zoh, sihmanhsehlaw a ka bawmtu ahohmanh an um lo;

DANIEL 5:8

Siangpahrang mifim vialte cu an rung lut, sihmanhsehlaw caṭialmi cu a rel zong an rel kho lo i a sullam zong siangpahrang cu an chim kho lo.

ISAIAH 59:16

Hremmi hna a bawmtu ding pakhat hmanh an um lo kha a hmuh tikah a awlok a chong. Cucaah anmah khamhnak ah cun amah ṭhawnnak kha a hman lai i a tei hna lai.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

ISAIAH 46:7

An liang ah an i khinh i an kalpi; cun a hmunte ah khan an chiah i cuka ah cun a dir; a dirnak hmun khan aa ṭhial kho lo. A sin i thla an cam tikah ahohmanh a let kho hna lo. harnak chung zongin a khamh kho hna lo.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.