ISAIAH 38:13 - Lai (Hakha) Common Language Bible 2006

¹³ Zan khuadei nganfak in ka ai, chiandeih nih ka ruh khi ka ṭam hna seh law cu ko cu a lo. Pathian nih ka nunnak cu a donghter rua lai tiah ka ruah.

ISAIAH 38:13 Խաչաձեւ Հղումներ

DANIEL 6:24

Siangpahrang nawlbia in Daniel sual phawtu vialte hna an nupile le an fale he chiandeih thong chungah cun an vun thlak hna i a ṭuang hmanh an phak manh hlanah khin an rak zuanhnawh hna i an ruh he an zeizong tein an khai dih hna.

SALM 51:8

Lunglawmhnak le thanuamnak aw thawng cu ka theihter law na ka khiah i na ka hrilh cang nain ka lung aa lawm ṭhan lai.

HOSEA 5:14

Israel mi le Judah mi cu a ṭhawngmi chiandeih bantukin ka zuanhnawh hna lai; Keimah hrimhrim nih ka thleh ka baoh dih hna lai i ka kaltak hna lai. Ka hnuh hna lai i ahohmanh nih an chanh kho hna lai lo.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

SALM 39:10

Dan cu ka tat ti sawh hlah, na dantatnak in ka thi dengmang cang.

1 SIANGPAHRANG 20:36

Cu tikah anih nih, “Bawipa aw kha na ngaih lo caah, zohhmanh, ka sin i na kal cangkate hin chiandeih nih an seh lai,” tiah a ti. Cun a sinin a kal cangkate cun chiandeih nih a rak ton i a seh taktak.

SALM 7:2

Cu ti na ka khamh lo ahcun ahohmanh khamhtu ngei loin, chiandeih bantukin an ka hnuh lai i an ka thleh an ka baoh dih ko lai.

SALM 32:4

Bawipa, chunzan in dan na ka tat i ka thazang cu a dihlak in a zor, ṭhal ni lin nih khua a roter bantuk khin ka thazang cu a ro dih. Selah

ṬAHNAK HLA 3:4

Ka tit le ka cuar cu sawng ṭiamṭuam in a tuah dih hna i ka ruh cu a khiah dih hna;

JOB 7:6

Ka ni hna cu thiamtaktu thiampheifung nakin an khul a rang deuh i An donghnak cu ruahchannak zeihmanhlo he an phan.

SALM 90:5

Tilian bantukin minung cu na fenh hna; zan mang bantuk men an si ko.