ISAIAH 37:32 - Lai (Hakha) Common Language Bible 2006

³² Ralkapbu Bawipa nih hi cu a tlinter hrimhrim lai caah Jerusalem khua le Zion Tlang ah a tangmi cu an um lai,” a ti.

ISAIAH 37:32 Խաչաձեւ Հղումներ

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

2 SIANGPAHRANG 19:31

Jerusalem le Zion Tlang ah a tangmi an um lai. Ralkapbu Bawipa ṭannak nih mah hi cu a tuah lai.

ZEKHARIAH 1:14

Va thanh tuah, hihi Bawipa bia a si: Jerusalem le Zion hi ka ham ngaingai hna;

JOEL 2:18

Khi tikah Bawipa nih a ram kha a zawn a ruah i a mi hna cungah zaangfahnak a ngeih kha a langhter.

ISAIAH 59:17

Dinnak cu thir angki bantukin aa hruk lai i teinak cu lukhuh bantukin aa khuh lai. Thil ahmaan in tuah duhnak le mi cungah ṭhat lonak a tuahtu hna teirul cham le dantat duhnak kha puan bantukin aa aih lai.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 42:13

Mi ralṭha kha raltuk awkah aa thawh bantukin Bawipa cu aa thawh; ral tuk awkah cun aa tim i a hiar in a hiar; ral hla kha aa thawh i raltuknak hmun au khan a au; a ral kha a ṭhawnnak cu a hmuhsak hna.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.