ISAIAH 37:31 - Lai (Hakha) Common Language Bible 2006

³¹ Judah phun chungin a tangmi hna kha, vawlei chungah thuk piin hram a thla i thei a tlaimi thingkung bantukin an hninghno lai.

ISAIAH 37:31 Խաչաձեւ Հղումներ

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

SALM 80:9

A ṭhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

ROM 11:5

Cu bantuk ṭhiamṭhiam cun atu zongah hin a si: Pathian nih a zaangfah hna ruang i a thimmi tlawmte cu an um ve ko.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

GALATI 3:29

Cucaah Khrih ta nan si ahcun Abraham tefa nan si i Pathian biakamning in rocotu nan si.

JEREMIAH 44:28

Cun cu tikah cun Judah ram mi Izipt ram i khua a vung sami hna lakah a nung rihmi hna nih khan, aho bia dah a dir, anmah bia maw keimah bia dah, ti kha an hngalh lai.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

ISAIAH 65:9

Israel mi lakah Judah tefa a simi kha thluachuah ka pek hna lai i an tefa nih ka ram le ka tlang kha an co lai. Ka thimmi ka mi, ka rian a ṭuanmi cu, cuka ah cun an um lai.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

SALM 92:14

an tar tik hmanh ah thei a tlai lengmang i a zungzal in hring dildel in a um i a ṭhawng ngaimi bantuk an si.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ISAIAH 11:11

Cu ni a phak tikah Bawipa nih a ṭhawnnak kha a hman ṭhan lai i Assiria ram le Izipt ram le Pathros ram le Ethiopia ram le Elam ram le Babilonia ram le Hamath ram le rili kam ram hna le tikulh ram hna chung i a ummi a tang rihmi hna kha, inn ah a tlunpi hna lai.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

JEREMIAH 31:7

Zeicahtiah mah hihi Bawipa bia cu a si: Jakob ruangah lunglawmhnak in thang piin au tuah u, Miphun lakah phun ngan bik a si; Thangṭhatnak cu hla in sa u law, Bawipa nih a mi cu a khamh cang hna i Israel mi a tangmi hna cu a zuah hna, tiah chim u.

EZEKIEL 7:16

A luatmi an um i tlang ah an zam ahcun, khika ah a ṭap lengmangmi ṭhuro bantukin ka thah hna lai,