ISAIAH 37:29 - Lai (Hakha) Common Language Bible 2006

²⁹ Cu bantukin na thin a hun le naa porhlawt kha ka theih i cucaah cun atu cu na hnar in sio in kan sio lai na ka ah chak kan hlomh lai; cun n ratnak lam te khan kan kirter ṭhan lai,” a ti.

ISAIAH 37:29 Խաչաձեւ Հղումներ

EZEKIEL 38:4

Nangmah le na ralkapbu pi hna cu kan kalpi hna lai, na rangtum hna le na rangcung ralkap hna, ralthuam tling tein aa thuammi na mi hna, phaw le nam he a ummi ralkapbu nganpi, vainam aa thlir ciomi ralkap hna;

ISAIAH 37:34

A ratnak lam khan a kir ṭhan lai i hi khua chungah hin a lut lai lo. Bawipa nih hi bia cu ka chim cang.

ISAIAH 30:28

Zeizong vialte a fenh dihtu ti lian bantukin thlitu kha a hmaiah a kalter. Miphun tampi kha a hrawh hna i a ṭha lomi an khuakhannak kha pakpalawng ah a canter.

ISAIAH 10:12

Sihmanhsehlaw Bawipa nih, “Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai,” a ti.

EZEKIEL 29:4

Na kha le na kha karah sio ka chiah lai i Na phokphawher ah an i benh lai. Tiva chung khan kan sio vurmar lai i Na phokphawher ah nga i benh lulhmalh in kan hnuh lai.

LAMKALTU 22:22

Hi tiang a chim ah hin cun mizapi nih khan Paul kha an ngaih ko; sihmanhsehlaw an aw reng chuak khan an au ṭhan i, “Kha pa kha hlo ko u. That ko u. A nung ding tlak a si lo,” an ti.

LAMKALTU 9:4

Vawlei ah a tlu i aw pakhat nih, “Saul, Saul, zeicahdah na ka hrem?” tiah a ti thawng kha a theih.

MATTHAI 27:24

Pilat nih cu ti i ti lengmang cu zeihmanh san a tlai ti lo i mizapi nih hnahnawhnak lam an chuahter lai ti kha a hmuh tikah, ti kha aa lak i mizapi hmaiah cun a kut aa ṭawl i, “Hi misual lopa thihnak kong ah hin kei cu ka thiang, nanmah tuahmi a si,” tiah a ti.

AMOS 4:2

Bawipa Pathian nih a thiannak chalh in chiat a ser i, “Nannih cu nan dihlak in sio in an in hruai hna caan kha a ra lio.

ISAIAH 37:10

“Naa bochanmi na Pathian nih ka kut chungah na tla lai lo tiah an chimh, sihmanhsehlaw cu bia cu i zumh sual hlah.

ISAIAH 36:10

Nan ram ka ra doh i ka ra hrawh hi Bawipa bawmhnak tel loin a si tiin dahra nan ruah? Bawipa hrimhrim nih pei nan ram doh le hrawh hi a ka fial cu,” a ti.

ISAIAH 36:4

Assiria bawipa nih cun, zeicahdah Siangpahrang Hezekiah hi amah le amah hi tlukin aa zumh hnga ti kha Assiria siangpahrang nih hngalh a duh tiah a chimh hna.

SALM 83:2

Zohhmanh, na ral cu an cawl an cang i nangmah an huatu cu nangmah doh awkah an i tim len ko.

SALM 74:23

Na ral nih thinhun in an au len cu philh hlah, an dotu hna nih hnahnawhnak thawng an umter zungzalmi cu philh hlah.

SALM 74:4

Na hmunthiang chungah na ral kha an au, biakinn kha an lak cang.

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

SALM 32:9

Na duhnak zulhter awkah chak le kaahlawmh a haumi rang le laa bantukin hrut hlah,” a ka ti.

JOB 41:2

A hnar cu hri in na thil kho hnga maw? A kha chungah sio na banh kho hnga maw?

ISAIAH 37:7

Bawipa nih an siangpahrang cu bia chawkvai pakhat a theihter lai i cu bia chawkvai nih cun a ram ah a kirter lai; cun cuka ah cun mi kha amah cu a thahter hna lai,” a ti.

EZEKIEL 35:13

Cun keimah kong zongah khan zeirello ngaiin bia nan chim i nannih nih atu le atu nan ka thangchiat, hihi ka theih dih ko.