ISAIAH 37:24 - Lai (Hakha) Common Language Bible 2006

²⁴ Tlang sang bikbik cu ka rangleng in ka tei hna, Lebanon tlang parpahlek hmanh ka tei, tiin keimah kha tluangkhawnhnawh awkah na sal cu na thlah hna. Cuka ah cun sidar thing a sang bik cem hna le saipres thing a ṭha bikbik hna kha ka hau hna i tupi a deng tiang ka phan tiah tluang na khawng.

ISAIAH 37:24 Խաչաձեւ Հղումներ

ISAIAH 14:8

Lebanon tlang i a ummi saipres thing hna le sidar thing hna cu, siangpahrang kha a rilh cang caah an i lawm; amah cu a lo cang i anmah a hautu hna a um ti lo caah an i lawm!

ISAIAH 10:18

Tupi ṭhaṭha le lo ṭhaṭha kha an rawk dih lai, thihnak tiang a tlunter khotu zawtnak nih mi a tlunhnawh bantuk khi a si lai.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 36:9

Assiria bawi lak i a hme bik hmanh tluk ṭung loin, Izipt nih rangleng le rangcung ralkap a kan kuat lai, nan hei ti.

ISAIAH 29:17

Phungthluk ah an ti bang, tupi hmawng cu lo ah a cang lai i lo cu tupi ah a cang ṭhan lai.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

EXODUS 15:9

Ral nih khan an i thawh i, ‘Kan dawi hna lai, kan tlaih hna lai; an chawva cu kan i ṭhen lai i kan duhmi paoh kha kan i lak lai. Kan vainam kha kan i chuah lai i an ngeihmi thil vialte kha kanmah ṭhawnnak thawngin kan chuh hna lai,’ an ti.

ISAIAH 10:33

Bawipa Ralkapbu hna Bawipa nih thing nge thlangh in a thlangh hna lai. Aa porhlaw bikbik hna le a sang bikbik hna kha a thlangh hna lai i ningzahnak a phakter hna lai.

ISAIAH 10:34

Tupi chung thingkung kha hreitlung in an hau hna bangin annih cu Bawipa nih a hau hna lai i Lebanon tlang thing ṭha bikbik an tluk bangin an tlu lai!

JEREMIAH 22:7

Nangmah dotu dingah hriamnam he a um ṭhepṭhupmi bu, a rawl a ṭammi bu kha ka rak thlah lai. Na sidar thing ṭha bikbik hna cu an hau hna lai i Mei chungah an paih hna lai.

JEREMIAH 46:8

Izipt hi Nail tiva lianh in a lian, Tiva a ti a kai uahmahmi hna bantukin. Aa thawh i, “Ka lian lai, vawlei hi ka khuh dih lai, Khuapi hna le an chung i a ummi cu ka hrawh hna lai,” a ti.

JEREMIAH 22:6

Zeicahtiah Judah siangpahrang inn kong ah Bawipa nih hi bangin a ti: Nangmah cu ka caah Gilead bantuk le Lebanon tlangpar bantukin i dawh hmanh law, Ahohmanh an um lonak hmun thetse ram ah kan canter lai.

EZEKIEL 21:2

“Mipa, i mer law Jerusalem lei kha zoh law a hmunthiang kha chimhnawh hna; Israel ram kha chimhnawh tuah.