ISAIAH 37:19 - Lai (Hakha) Common Language Bible 2006

¹⁹ an pathian kha an khangh dih hna, ti cu kan theih — sihmanhsehlaw annih cu pathian an si lo, minung nih an kut in an ser chommi thing le lung siasal menmen an si.

ISAIAH 37:19 Խաչաձեւ Հղումներ

HOSEA 8:6

Hi cawtum hi zei bantuk pathian dah a si ee? Zungthiam i an sermi pei a si ko hi, pathian a si ṭung lo; Samaria cawfa cu kuai cikcek in den a si lai.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

ISAIAH 44:17

Cu thing ṭhiamṭhiam a tangmi cun siasal pakhat a ser. A hmaiah a kun i a biak. A sinah thla a cam i, “Nangmah cu ka pathian na si, ka khamh tuah,” a ti.

ISAIAH 41:29

Hi pathian hna hi pakpalawng an si, an tuah khawhmi zeihmanh a um lo — hi siasal pathian hna hi thazang zeihmanh a ngei lomi, zei thil hmanh a tuah kho lomi an si.

ISAIAH 41:24

Sihmanhsehlaw nannih cu zeihmanh nan si lo, nan tuahmi vialte zong zeihmanh an si lo, nanmah an biatu hna zong fihnung an si.

ISAIAH 41:7

Lehtama nih sui serpa kha, “Na tuahmi a ṭha,” a ti. Siasal a milhtu nih khan siasal cu hmunkhat ah thir in a funtomtu kha, na lung ṭhawng ko, a ti. Pakhat nih, ‘Na senghnak cu a ṭha ko,’ a ti i annih nih siasal cu thir in a umnak ding hmun ah khan an khenh chih.

ISAIAH 26:14

Atu cu an thi cang i an nung ṭhan ti lai lo, an thlarau cu a tho ṭhan lai lo, zeicahtiah nangmah nih dan na tat cang hna i na hrawh cang hna. Ahohmanh nih an hngal ti hna lo.

2 SAMUEL 5:21

Cun Filistin mi hna nih khika ah an siasal kha an kaltak hna i David le a mi hna nih khan an lak hna.

EXODUS 32:20

An sermi cawfa kha a lak i mei ah a rawh i dip tein a rial i a dip cu ti cungah khan a hlonh i Israel mi cu kha ti kha a dinter hna.

GALATI 4:8

Hlanah cun Pathian kha nan rak hngal lo, cucaah Pathian a si lomi thil sal kha nan rak si.

ISAIAH 2:8

An ram cu siasal in a khat i anmah nih an kut in an ser chommi thil kha an biak hna.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

JEREMIAH 1:16

Keimah kha an ka hlawt i pathian dang hna sinah zihmui an khangh i anmah kut lila in sermi an biaknak ṭhat lonak vialte ruangah an cungah ka biakhiahnak cu ka chim lai.

JEREMIAH 2:11

Miphun pakhatkhat nih a pathian hna kha, pathian an si lo hmanh ah, a thleng bal hna maw? Sihmanhsehlaw ka mi hna nih cun an Sunparnak kha zeihmanh a ṭhahnem lomi thil ah an thlen.

JEREMIAH 16:20

Minung nih a caah pathian aa ser khawh hna lai maw? Aa ser khawh hmanh ah, cu bantuk pathian hna cu pathian a si lomi an si,’ an ti lai.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 11:8

An pathian milem cu a lak hna lai i a sungmi an thil, sui le ngun hna he khan Izipt ram ah a kalpi hna lai.

ISAIAH 10:7

Sihmanhsehlaw Assiria siangpa-hrang nih hin a lungchung tein amahte in aa tinhmi thil pakhat, a puarṭhawng ngaimi a ngei. Miphun tampi hrawh hrimhrim kha aa tim.