ISAIAH 37:1 - Lai (Hakha) Common Language Bible 2006

¹ Siangpahrang Hezekiah nih an chimhmi bia kha a theih cangka, a ngaihchiatnak langhternak ah a puan kha a thleh i buri puan kha aa aih i Bawipa Biakinn ah a kal.

ISAIAH 37:1 Խաչաձեւ Հղումներ

ISAIAH 36:22

Cun Eliakim, Shebna le Joah nih an puan kha ngaihchiatnak langhternak ah an thleh i Assiria ralbawipa nih a chimmi cu siangpahrang kha an va chimh.

EZRA 9:5

Cun zanlei raithawinak caan ah khan ka puan le ka angki tlek he cun rawl ka ulhnak khan ka hung tho i ka khuk kaa bil i Bawipa ka Pathian sinah cun ka kut ka samh hna i:

2 SIANGPAHRANG 22:11

Cun siangpahrang nih phungbia cauk chung bia cu a theih tikah a puan kha a thleh hna.

MATTHAI 11:21

“Khorazin khua, na caah ngaihchia a va si dah. Bethsaida khua zong na caah ngaihchia a va si dah. Nan chung i khuaruahharnak ka tuahmi vialte hi Tair le Sidon khua ah rak tuah hna ning law, cu khua mi hna cu puanchia i aih le vutcam i phulh in an i ngaihchih diam cang hnga!

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.

JEREMIAH 26:19

Judah siangpahrang Hezekiah le Judah mi vialte nih amah cu an thah maw? Siangpahrang nih khan Bawipa cu a ṭih i zaangfahnak a hal lo maw? Cu tikah Bawipa nih cun a lung a thlen i an cungah ka tlunter lai tiin a hro hnanak rawhralnak kha a let ṭhan. Asinain, kannih cu kan cungah ṭhat lonak nganpi kan i tlunter hnik,” tiah an ti.

2 CHANRELNAK 32:20

Khi tikah Siangpahrang Hezekiah le Amoz fapa profet Isaiah kha hi ruangah hin thla an cam i van leiah an au.

ESTHER 4:1

An tuahmi vialte cu Mordekai nih a hngalh tikah a puan kha a thleh hna i buri kha a aih i vutcam kha aa phulh, cun khualai ah khan aa chawk i fakpi le lunghno ngaiin a ṭap.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 37:14

Siangpahrang Hezekiah nih ca cu lamkaltu hna sin khan a lak i a rel. Cun Biakinn ah khan a kal i Bawipa hmaika ah a phah i