ISAIAH 36:7 - Lai (Hakha) Common Language Bible 2006

⁷ Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.

ISAIAH 36:7 Խաչաձեւ Հղումներ

1 KORIN 2:15

Thlarau a ngeimi nih cun zeizong vialte kha an ṭhat an chiat an khing an thlai khawh, sihmanhsehlaw anmah tu cu ahohmanh nih sual an phaw kho hna lo.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

2 CHANRELNAK 32:12

Hi Hezekiah ṭhiamṭhiam nih hin a si lo mei a khuahrum bo hna le a biakṭheng hna kha a hlonh hna i Judah le Jerusalem cu, “Biakṭheng pakhat hmaiah nan biak lai i cu cungah cun nan raithawinak hna kha nan khangh lai,” a ti kha.

2 CHANRELNAK 31:1

Cun hi vialte hi a dih tikah, cuka i a ummi Israel mi vialte kha Judah ram khua an khan an kal i an dihlak in an hrawh dih hna hlantiang, Judah le Benjamin le Efraim le Manasseh ram chung dihlak i a ummi tung hna kha an den cikcek hna i Asherim kha an hau hna i khuahrum bo le biakṭheng kha an chimh hna. Cun Israel mi vialte cu an khua le an ram cio ah an tlung.

2 CHANRELNAK 30:14

Cun rian cu an thawk i Jerusalem i a ummi biakṭheng vialte kha an ṭhial i zihmui khanghnak biakṭheng vialte kha an lak hna i Kidron horkuang ah an hlonh hna.

1 CHANRELNAK 5:20

cun annih nih bawmhnak kha an hmuh tikah Hag mi hna le an sir i a ummi vialte hna kha an kut chungah cun pek an si, zeicahtiah raldohnak hmun chungah cun Pathian kha an auh i amah kha an i bochan caah an nawlnak kha a pek hna.

2 SIANGPAHRANG 18:22

Sihmanhsehlaw, “Bawipa kan Pathian kan i bochan” nan ka ti ahcun, amah cu Hezekiah nih a khuahrum bo hna le a biakṭheng hna a hrawhpiak i Judah le Jerusalem cu, “Jerusalem i a ummi biakṭheng hmaiah hin nan biak lai,” a timi kha a si lo maw?

ISAIAH 36:8

Chawdet bantukin ka siangpahrang min in kan i det tuah lai. Rang thong hnih kan pek hna lai, cun nannih nih aa cit khotu ding cu zat cu nan i kawl lai!