ISAIAH 36:18 - Lai (Hakha) Common Language Bible 2006

¹⁸ Bawipa nih a kan khamh lai, ti in Hezekiah kha i hlenter hlah u. Ram dang pathian hna nih tah an ram cu Assiria siangpahrang kut cun an khamh kho hna maw?

ISAIAH 36:18 Խաչաձեւ Հղումներ

ISAIAH 36:15

Bawipa kha i bochan u, tiah an lem hnanak kha i zumh hlah u, Bawipa nih a kan khamh lai i Assiria mi kha kan khualipi hi a lakter hna lai lo, tiah i ruah sual hlah u.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

ISAIAH 37:10

“Naa bochanmi na Pathian nih ka kut chungah na tla lai lo tiah an chimh, sihmanhsehlaw cu bia cu i zumh sual hlah.

ISAIAH 36:10

Nan ram ka ra doh i ka ra hrawh hi Bawipa bawmhnak tel loin a si tiin dahra nan ruah? Bawipa hrimhrim nih pei nan ram doh le hrawh hi a ka fial cu,” a ti.

ISAIAH 36:7

Cun a bia cu a vun peh i, “Asiloah, ‘Bawipa kan Pathian pei kan i bochan,’ nan ti hnga maw? Cu nan Pathian cu, Hezekiah nih a biakṭheng vialte a hrawhpiak dih i Judah ram mi le Jerusalem khuami hna cu, biakṭheng pakhat lawngah Pathian nan bia cang lai, tiah a timi hna kha a si ṭung.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

ISAIAH 36:17

Nanmah ram bantuk a simi ram, mitsur zu a chuahnak lo a umnak ram le changreu ser awk rawl a umnak ram i siangpahrang nih an umter hna hlan cu, nanmahle nan mitsur ruang nih a tlaimi thei le nan theipi nih a tlaimi thei kha an eiter ko hna lai i nanmahle nan tikhor ti te kha an dinter ko hna lai.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

ISAIAH 37:11

Assiria siangpahrang nih hrawh kan i timhmi ram cungah zeitindah kan tuah tawn ti cu na theih ko. Ka luat kho hnga tiah naa ruat dahra?

ISAIAH 10:7

Sihmanhsehlaw Assiria siangpa-hrang nih hin a lungchung tein amahte in aa tinhmi thil pakhat, a puarṭhawng ngaimi a ngei. Miphun tampi hrawh hrimhrim kha aa tim.

ISAIAH 10:11

Samaria le a siasal vialte cu ka hrawh dih cang hna i cu bantuk ṭhiamṭhiam in Jerusalem le cu khua chung i an biakmi siasal hna cungah cun ka tuah lai,” tiah tluang a khawng.

EZEKIEL 31:5

A nge cu an tam i a ṭe cu an sau; Zeicahtiah ti tampi nih a phak caah a si.