ISAIAH 36:12 - Lai (Hakha) Common Language Bible 2006

¹² Anih nih a leh hna i, “Nanmah le nan siangpahrang lawng cu maw hi bia hi ka bawipa nih va chim hna a ka ti, tiah nan ruah. Nanmah lawng nan si lo, ralhau cung i a ṭhumi vialte hna zong khi ka chimh hna a hau; anmah zong cu nanmah bantukin mah ek a ei ve ding le mah zun a ding ve ding an si ko,” a ti.

ISAIAH 36:12 Խաչաձեւ Հղումներ

2 SIANGPAHRANG 18:27

Sihmanhsehlaw ralbawi ngan bik nih cun a thawh hna i, “Hi bia hi nan bawipa le nanmah lawng sin i chim awkah maw ka bawipa nih a ka thlah? Ralhau cung i a ṭhumi hna, anmah ek lila ei awkah le anmah zun lila din awkah nannih he hrawh awkah ruah cangmi hna kha ka chim ve hna hnga lo maw?” tiah a ti.

EZEKIEL 4:16

Cun a ka thawh i, “Mipa, Jerusalem khua i nifate an hmuhmi rawl cu ka ṭhumh hna lai; mi nih rawl an eimi cu thinphang lengmang in a tah tein an tah lai i ti an dinmi cu khuaruahhar lengmang in a tah in an tah ṭhiamṭhiam lai.

JEREMIAH 19:9

Cun khika i a ummi hna cu anmah fale sa lila kha ka eiter hna lai. An ral hna le annih thah a duhmi hna nih an kulh hna tikah, an umtuning kha a har tuk hringhran lai caah pakhat le pakhat kha an i ei lai.

ISAIAH 9:20

Ram chung khuazakip ah an hmuhmi rawl paoh kha an i cuh i an ei, sihmanhsehlaw an khim hlei lo. Anmah an fale lila hmanh kha an ei hna!

LEVITIKAS 26:29

Nan fapale sa kha nan ei lai i nan fanule sa kha nan ei lai.

ISAIAH 36:11

Cun Eliakim le Shebna le Joah nih khan ralbawipa cu, “Aramaik holh in kan chawn, kan hngalh ko. Hebru holh cun kan chawn hlah; ralhau cung mi vialte nih kan bia an kan ngaih ko,” an ti.

ISAIAH 36:13

Cun a dir i Hebru holh in fak piin a au i, “Assiria siangpahrang nih an chimhmi hna hi ngai tuah u.

EZEKIEL 4:12

Na changreu cu barli changreu bantukin na rawh lai i na ei lai i a rawhnak thing caah minung ek na hman lai i mi nih an in hmuh khawhnak hmun ah na rawh lai,” tiah a ti.