ISAIAH 35:2 - Lai (Hakha) Common Language Bible 2006

² Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 35:2 Խաչաձեւ Հղումներ

ISAIAH 60:13

“Far thing le Junipar thing le saipres thing, Lebanon tupi chung i thing ṭha bikbik hna kha, nangmah Jerusalem remhnak ah le ka biakinn dawhternak ah le ka khuapi dawhternak caah an rak phorh hna lai.

ISAIAH 25:9

Cu bantukin thil a hung si tikah mi kip nih an i thawh lai i, “Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam,” an ti lai.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.

HABAKKUK 2:14

Sihmanhsehlaw rili cu ti in a khah bantukin vawlei cu Bawipa hngalhnak le sunparnak in a khat lai.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

JOHAN 17:24

“Ka Pa, na ka pekmi hna hi ka umnak ah ka sin i umter i ka sunparnak, vawlei ser hlan in na ka dawt ca i na ka pekmi kha hmu hna seh ti ka duh.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ISAIAH 60:19

“Chun ah ni cu na ceunak a si ti lai lo i zan ah thlapa cu na ceunak a si ti lai lo. Bawipa cu zungzal in na ceunak ka si cang lai i ka sunparnak ceunak cu na cungah a tlang lai.

ISAIAH 33:9

Ram cu a um sawhsawh ko i mi nih an chuahtak. Lebanon tlang tupi cu an car i Sharon nelrawn cu thetse ram bantuk a si, cun Bashan ram le Karmel Tlang thingkung hna cu an hnah a ṭil dih.

SOLOMON HLA 7:5

Na lu nih cun Karmel tlang bangin cuang ai kaw, Na lu cung um na sawm-ai samthlai tiang zong nih sendung te bang ti ai hna, Mangbawi lung tiang hreng ai ci.

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 72:16

Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

SALM 50:2

Pathian cu Zion in ni bangin a rung tlang, dawhnak ah a tlingmi khua chung cun a rung tlang.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

ROM 15:10

“Jentail mi hna, Pathian thimmi miphun he cun i lawm u,” a ti bantuk le

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 41:19

Thetse ram ah khan sidar thing le anri thing le lenhmui le oliv kha ka khohter hna lai. Ramcar ah tupi an um lai, far thing tupi le saipres thing tupi le thal thing tupi an um lai.

ISAIAH 32:15

Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

SALM 97:6

Van nih khin a dinnak kha an chim i mi vialte nih a sunparnak kha an hmuh.

SALM 89:12

nangmah nih Chaklei le Thlanglei kha na ser hna, Tabor Tlang le Hermon Tlang nih lunglawmhnak in hla in an in thangṭhat.

1 CHANRELNAK 16:33

Khi tikah ramlak thingkung vialte cu Bawipa hmaiah lawmhnak in hla an sa lai, Zeitintiah vawlei kha biaceih awkah amah cu a ra.

LAMKALTU 9:35

Amah cu Lidda le Sharon i a ummi vialte nih khan an hmuh i Bawipa leiah an i mer.

EXODUS 16:7

zinglei ah Bawipa sunparnak kha nan hmuh lai. Amah cung i nan phunhrannak kha a theih. Asi, nan phunhran kha amah cung i nan phunhran a si, zeicahtiah kannih cu phunhranhnawh awk tlak kan si ṭung lo,” an ti hna.

1 CHANRELNAK 5:16

annih cu Gilead le Bashan le a pawngkam khua vialte le Sharon ram chung i saṭil tlonnak hmun dihlak ah khan an ramri tiangin an um.

SOLOMON HLA 2:1

Kei cu Sharon bingbir le maw Nelrawn lili pangpar ngai ka si.

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 40:9

Maw Jerusalem, tlang sang cungah kai law thawng ṭha kha thanh tuah! Maw Zion, fak piin au law thawngṭha kha thanh tuah. Au ko, ṭih hlah. Judah ram khua hna kha, nan Pathian a ra lio, tiah chim hna.

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

ISAIAH 66:14

Hi thil a hung um tikah nan lung aa lawm lai; an ṭhawnter hna lai i nan ngan an damter hna lai. Cucaah Bawipa keimah nih ka nawl a ngaimi cu ka bawmh hna i ka ral cu ka thinhunnak ka chuahhnawh hna ti kha nan hngalh lai,” a ti.

HOSEA 14:5

Israel caah cun dap bantuk ka si lai i lili pangpar bantukin a par lai. Phaizawng kung bantukin hram a thla lai i

JOSHUA 19:26

Allam-melek, Amad, le Mishal an um; nitlaklei leiah Karmel le Shihor-libnath a hei tongh i

1 CHANRELNAK 27:29

Sharon i a tlongmi saṭil run a zohkhenhtu hna cu Sharon mi Shitrai a si; nelrawn i a tlongmi saṭil run zohkhenhtu hna cu Adlai fapa Shafat a si.