ISAIAH 34:7 - Lai (Hakha) Common Language Bible 2006

⁷ Mi cu cawtum hrang le cawtum no bantukin an thi lai i vawlei cu thisen nih a ciah in a ciah lai i thau nih a khuh lai.

ISAIAH 34:7 Խաչաձեւ Հղումներ

SALM 68:30

Izipt cu mawhchiat ko, phaikung lak i a tlongmi sahrang kha mawhchiat ko, miphun cu chimhring ko hna, an fale he a ummi cawtum hna kha; annih nih na hmaiah an kun i an ngun cu an in pek hlantiang annih cu chimhring ko hna. Ral thawh a duhmi kha ṭhek ko hna.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

JEREMIAH 50:11

Babilon mi hna, nanmah nih ka miphun kha nan hrawh hna; Nan tha a nuam, nan lung aa lawm i facang cil dih hnuah cawla nih a duhduh in a lek bangin nan le nain le rangtum bangin nan awn nain,

JEREMIAH 46:21

A ram chung i man phalh in a ṭuanmi ralkap hna cu cenhmi cawfa bantuk an si; Sihmanhsehlaw annih zong an i let i an zam, an umhmun ah a dir ngammi ahohmanh an um lo. An ṭumchuk ni cu an cungah a phan cang, biaceih an si ni caan cu.

SALM 92:10

Nangmah nih fungtum bantuk ṭhawng ah na ka ser; thluachuahnak na ka pek i ka lung aa lawm.

DEUTERONOMI 33:17

A hrin hmasa bik cawtum cu lianhngannak a ngei i A ki hna cu fung ki an si; Cu ki cun mi kha, an dihlak in, vanhramdeng tiang a suk hna lai; Cu hna cu Efraim mi, sang tampi hna cu an si, Hi hna hi Manasseh mi, thong tampi hna cu an si,” tiah a ti.

NAMBAR 24:8

Pathian nih Izipt ram in a chuahpi; Fungtum ki bantuk a ngei, A ral miphun dang hna kha a ei dih hna lai i An ruh kha a khuai dih cikcek lai, Cun a thal in a chunh hna lai.

SALM 22:21

Kha chiandeih hna sin khan ka khamh ko; kha cawtum hrang hna hmaiah khan kei cu zeihmanh a tuah khomi ka si lo.

ISAIAH 63:6

Ka thinhun in miphun kha ka lamhchih hna i ka thinlinh in ka naan cikcek hna; Cun an thisen kha vawlei ah ka thlet,” a ti.

JEREMIAH 25:34

Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

EZEKIEL 32:6

Na chungin a chuakmi thi khan ram cu ka ciah lai i na thisen in tlangpar tiang hrimhrim in ka ciah lai; cun ti luannak kahcham hna cu nangmah thisen in an khat lai.

EZEKIEL 39:17

A ka thawh ṭhan i, “Mipa, hihi Bawipa Pathian bia an si: A zuangmi va vialte le ramlak sahrang vialte cu au tuah hna: ‘Ra u, i pum u, ka raithawinak puai ah hin a kenkip in ra chuak tuah u, Israel tlang cung i raithawinak nganpi kan serpiakmi hna ah hin; sa kha ei u law thi kha ding u;

EZEKIEL 39:18

ralkap hna sa kha ei u law vawlei cung bawi hna thi kha ding tuah u; hi mi vialte hi Bashan tuukawng hna le tuu hna le mehehtum hna le cawtum hna le naatum hna cu an si.