ISAIAH 34:6 - Lai (Hakha) Common Language Bible 2006

⁶ A nam ah cun an thi le an thau kha tlor zelzul in an i neh lai, raithawinak ah an hmanmi tuufa hna thi le thau bantuk le meheh thi le thau bantuk kha an si lai. Bawipa nih hi raithawinak cu Bozrah khua ah khan a tuah lai; hi bantukin a nganmi thahnak cu Edom ram ah khan a tuah lai.

ISAIAH 34:6 Խաչաձեւ Հղումներ

ISAIAH 63:1

“Ahodah Edom ram in a rami khi a si? Ahodah thisen aa nehmi puan he Bozrah in a rami khi a si? Ahodah sunparnak in aa thuam i ṭhawnnak in a kalmi khi a si? Amah cu, Khamhnak a thanhtu, mi khamh awk i a ṭhawngmi, Keimah hi ka si.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

ZEFANIAH 1:7

Bawipa ni cu a nai caah Bawipa hmaiah dai tein um u! Bawipa nih raithawinak kha a timh cang i a sawmmi hna cu a thianter cang hna.

JEREMIAH 51:40

Thahnak hmun i kalpimi tuufa hna le tuukawng le meheh tum bantukin ka kalpi hna lai.

JEREMIAH 50:27

A ralkap cu that dih hna u, thahnak hmun ah vun kalpi hna u. An caah ngaihchia a va si dah! An ni, an dantat caan cu a phan cang.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

ISAIAH 34:5

Van ah khin Bawipa nih a nam cu a timh cang i hrawh awkah a ruah cangmi Edom kha atu cu a tuk lai.

DEUTERONOMI 32:14

Cawrun chung hnuk khal, Tuurun chung tuuhnuk, Tuufa hna thau le tuukawng hna thau, Bashan ram cawrun le meheh hna cu, Changvut lak i a ṭha bik he na ei hna i Mitsur hang thisen cu na din.

EZEKIEL 21:10

Mi thahnak ding caah, thah nolhnak ding caah nimtlau bantuk tleu in tat a si. Aa! ka fapa, tanbo cu thing in sermi siasal hna dennak caah ser a si!

DEUTERONOMI 32:41

Ka nam tleu ka tat i Biaceihnak kha ka kut nih a tlaih ahcun, Ka ral hna kha phu ka hlam hna lai i A ka huatu kha ka rulh hna lai.

2 SAMUEL 1:22

Jonathan likuk cu mithahnak caah a ṭhawng, Saul vainam cu zaangfahnak a ngei lo, Miṭhawng kha an tuk hna i ral kha an thah hna.

1 CHANRELNAK 1:44

Bela a thih tikah, Bozrah khuami Zerah i a fapa Jobab cu amah hmun ah khan a hung bawi.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

ISAIAH 65:12

Kan kawh hna tikah nan ka let lo i ka chim tikah nan ngaih lo caah sar thih in nan thi lai. Ka nawl zulh duh lo le ṭhat lonak tuahtu kha nan i thim.

JEREMIAH 12:12

Ramlak tlangsang hmun kawng ah khan ramhtu an ra phan lulhmalh cang, cu hna cu ram kha khattelei kam in khattelei kam tiang a eitu Bawipa vainam kha an si; dai tein a um khomi zeihmanh an um lo.

JEREMIAH 25:34

Maw tuukhal hna, ṭap u law ai u, Tuurun bawi hna, vutcam lakah i lawng u. Atu cu thahnak hmun i kal kha nan chel a si cang i tuukawng ṭha bantukin nan tlu lai.

JEREMIAH 46:10

Hi ni cu Bawipa, Ralkapbu Pathian ni a si, phuhlam ni a si, A ral hna cung i phu aa hlam ni cu a si. Vainam nih a ei hna lai i a duhnak a riam lai, An thi cu a ri lai. Zeicahtiah Bawipa, Ralkapbu Pathian nih chaklei ram ah Zufrates tiva kamah raithawinak kha a tuah.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

EZEKIEL 35:8

Na tlang hna le na nelrawn hna cu miruak in ka khahter hna lai i Vainam nih a thahmi hna kha na tiva chungah an tla lai.

EZEKIEL 35:15

Ka rothil a simi Israel cungah na diriam tein na tuah bantuk khan na cungah ka tuah ve lai. Maw Seir tlangram, na ṭiao dih lai, cucu Edom vialte donghnak a si lai. Cuticun mi nih Bawipa ka si kha an hngalh lai,” a ti.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

ISAIAH 29:2

cun “Pathian biakṭheng” timi khua ah cun Pathian nih harnak a tlunter lai. Ṭahnak le aihramnak a um lai i a khua hrimhrim kha raithawinak an khanghnak biakṭheng ah a cang lai.