ISAIAH 33:18 - Lai (Hakha) Common Language Bible 2006

¹⁸ Ramdang in a rami ngunkhuai khawltu hna le mingiatu hna na rak ṭihmi hna kha, na lung chung i na ruahmi thil men ah an cang lai.

ISAIAH 33:18 Խաչաձեւ Հղումներ

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.

2 SIANGPAHRANG 18:14

Cun Judah siangpahrang Hezekiah nih Lakhish ah Assiria siangpahrang sinah cun mi a hei thlah hna i, “Ka palh cang; ka kirtak ko; ka cung i na ka khinhmi paoh ka in lai,” tiah a ti. Cun Assiria siangpahrang nih Judah siangpahrang Hezekiah cu ngun talen za thum le sui talen sawm thum a cawh.

2TIMOTE 3:11

hremnak ka huahmi le fahnak ka inmi kha na hmuh hna. Antiok, Ikonium le Listra i hremnak fakpi ka inmi vialte kha na hngalh dih hna. Sihmanhsehlaw Bawipa nih cu vialte chung cun a ka chanh.

ISAIAH 17:14

Zanlei ah cun annih nih thil ṭihnung an chuahter, sihmanhsehlaw zinglei ah cun an lo. Cu bantuk cu kan ram a hrawktu paoh cu an si ko.

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

SALM 31:22

ka thin a phang i na sinah umter ti loin na ka dawi cang rua tiah ka ruah. Sihmanhsehlaw nangmah sinah bawmhnak hal in ka au tikah ka aunak kha na rak theih.

2 SIANGPAHRANG 18:31

Hezekiah bia cu ngai hlah u, zeitintiah hi bangin Assiria siangpahrang nih a ti: ‘Keimah he remnak ser u law keimah sinah ra chuak tuah u; nan nun i nan thih nakhnga lo, nanmah ram bantuk a simi ram, rawl le mitsur hang a tamnak, changreu le mitsur dum a tamnak, oliv thingkung le khuaihliti a tamnak ram i kan kalpi hna hlantiang nannih nih nan dihlak in nanmahle nan mitsur ruang theitlai cio le nanmahle nan theipi kung theitlai cio kha nan ei lai i nanmahle nan tikhor cio ah ti nan din lai. Cun nannih nih Hezekiah nih, Bawipa nih a kan khamh lai, ti bia in a pingah an hruai tik hna ah a bia kha va ngai hlah u.

2 SIANGPAHRANG 15:19

Assiria siangpahrang Pul nih an ram cu a hung doh i Menahem nih cun, siangpahrang ṭhawnnak aa tlaihmi kha a feh khawh nakhnga, Pul cu ngun talen thong khat a pek.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

GENESIS 23:16

Abraham cu a hna a tla ve i Hit mi hna theih hngan i Efron nih cu zat in si seh a timi zat khan Abraham nih cun a thlai — chawdawr pawl nih an thlai ningin ngun tangka phar za li a si.

ISAIAH 54:14

Dinnak le ṭhatnak nih an in ṭhawnter lai. Hremnak le ṭihphannak in na him cang lai.