ISAIAH 33:13 - Lai (Hakha) Common Language Bible 2006

¹³ Lamnai i a ummi nih si hna seh, lamhla i a ummi nih si hna seh, ka tuahmi kha thei hna seh law ka ṭhawnnak kha hngal hna seh,” a ti.

ISAIAH 33:13 Խաչաձեւ Հղումներ

SALM 48:10

Khuazakip ah nangmah cu an in thangṭhat i na minthannak nih vawlei cung kha a cul dih. Dinnak in na uk hna;

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

DANIEL 3:27

Khi tikah mangki le zipeng le vuanthok le siangpahrang tlangpi hna cu an i pum i hi mi hna an pum cungah khan ṭhat lonak zeihmanh mei nih a tuah lo ti kha an hmuh; an lu cung samfa fa khat hmanh a kang lo i an thilthuam kha zeihmanh a kangh lo hlei ah mei rim hmanh an nam lo.

ISAIAH 57:19

An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

SALM 148:14

A miphun kha miphun ṭhawng ah a ser hna, cucaah a mi vialte nih an thangṭhat, a dawt ngaingaimi Israel mi nih khan an thangṭhat. Bawipa cu thangṭhat u!

SALM 97:8

Bawipa, nangmah nih na tuahmi biathlehnak ruangah, Zion mi cu an lung aa lawm i Judah ram khua hna cu an tha a nuam.

1 SAMUEL 17:46

Nihin ni ah hin Bawipa nih nangmah cu keimah kut chungah a ka pek lai i kan thah lai i na lu kan tan lai; cun Filistin ralkapbu chung i a thimi ruak hna cu nihin ah hin van i a zuangmi va hna le vawlei i a ummi sahrang hna sinah ka pek hna lai; zeitintiah vawlei cung dihlak nih Israel mi lakah Pathian a um ti kha an hngalh nakhnga le

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.