ISAIAH 32:15 - Lai (Hakha) Common Language Bible 2006

¹⁵ Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 32:15 Խաչաձեւ Հղումներ

ISAIAH 29:17

Phungthluk ah an ti bang, tupi hmawng cu lo ah a cang lai i lo cu tupi ah a cang ṭhan lai.

EZEKIEL 39:29

Israel mi hna cungah ka thlarau kha ka thlet lai caah annih cu ka hmai kha ka thuhkanh ti hna lai lo, tiah Bawipa Pathian nih a ti.

ISAIAH 44:3

“Ti a halmi ram kha ti ka pek lai i thetse ram ah khan tiva ka luanter hna lai. Nan tefa cu ka lianhngannak ka toih hna lai i nan ciruang cu ka thluachuahnak ka toih hna lai.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

LUKA 24:49

Cun keimah hrimhrim nih ka Pa nih bia aa kammi kha nan cungah ka run thlah lai. Sihmanhsehlaw cunglei in ṭhawnnak kha nan cung i a tlun hlantiang khuapi chung hin hngak ko u,” tiah a ti hna.

2 KORIN 3:8

Thlarau rianṭuannak a sunparnak cu zeitluk in dah a ngan chinchin.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

SALM 104:30

Sihmanhsehlaw thaw na pek hna tikah an nung; vawlei cu nunnak thar na pek.

ISAIAH 63:11

Sihmanhsehlaw hlanlio chan, Bawipa sal Moses chan kha an vun thei ṭhan i, “Rili chungin a mi hna cu an hruaitu hna he a rak khamhtu hna Bawipa kha atu hi khuazei ah dah a si hnga? Moses thlarau a rak petu Bawipa kha khuazei ah a si hnga?

ISAIAH 45:8

Teinak cu van in ruah sur in ka surter lai i vawlei nih a rak i donh lai, cun luatnak le dinnak cu vawlei ah cun an par lai. Bawipa nih mah hi cu ka umter lai,” a ti.

PHUNGTHLÛKBIA 1:23

Kan chimhhrin hnanak kha nan ngaih ahcun ruahnak kha kan cheuh hna lai i Ka bia kha kan cawnpiak hna lai.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

SALM 107:35

Thetse ram kha tili ah a canter hna i ramcar kha cerhti put ah a canter hna.

SALM 107:33

Bawipa nih tiva cu a kaoter hna i cerh cu a roter hna.

JOHAN 7:39

Jesuh nih a chim duhmi cu Thlarau kong kha a si, cu Thlarau cu amah a zummi paoh nih an hmuh ding kha a si. Cu caan ah cun Thlarau cu pek an si rih lo, zeicahtiah Jesuh cu sunparnak in thawhter a si rih lo.

ISAIAH 28:6

Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralṭhatnak a pek hna lai.

ISAIAH 59:21

Cun hi biakamnak hi nanmah he ka ser lai: Ka ṭhawnnak in ka phunglam le cawnpiaknak kha kan pek hna, cun atu thawk in hmailei caan vialte tiang hi phunglam le cawnpiaknak cu nanmah le nan fale le nan tefa fachin hna nih nan ngaih awk le nan i cawnpiak awk a si,” a ti.

EZEKIEL 37:14

Khi tikah ka thlarau cu nan chungah ka chiah lai i nan nung lai i nan vawleite ah khan kan umter hna lai i hi bia cu Bawipa nih ka chimmi a si i tuah zong ka tuah laimi a si ti kha nan hngalh lai. Mah hihi Bawipa bia hrimhrim a si,” a ti.