ISAIAH 31:9 - Lai (Hakha) Common Language Bible 2006

⁹ An siangpahrang cu a zam lai i a bawi pawl cu an thin a phan tuk caah raltuknak i an i putmi an alan hmanh kha an zamtak lai,” a ti. Jerusalem ah an biakmi Pathian, a raithawinak caah Zion i a mei a ummi Bawipa nih hi bia cu a chim.

ISAIAH 31:9 Խաչաձեւ Հղումներ

MALAKHI 4:1

A vaam huammammi somei bantukin cu ni cu a ra; miporhlaw vialte hna le ṭhat lonak a tuahmi vialte hna cu favai an si lai, cun cu ni cu a rat tikah, cu ni nih cun annih cu a alhter hna lai i an hram le an nge zong tang loin a kangh dih hna lai, tiah ralkapbu Bawipa nih a ti.

ISAIAH 29:6

Ralkapbu Bawipa nih a ṭhawngmi ṭotho le lihnin in a khamh lai. Thlichia a hranter lai i zeizong vialte a khang dihtu mei a chuahter lai;

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

ISAIAH 18:3

Vawlei cung i a ummi vialte hna, ngai tuah u. Tlang par ah hmelchunhnak alan an tar kha rak zoh tuah u. Muko tum thawng cu rak ngai tuah u,

ISAIAH 10:17

Israel ceunak Pathian cu, mei ah cun a cang lai. Israel Pathian thiang cu meizik ah cun a cang lai i ni khat chungah zeizong vialte kha a kangh dih hna lai, hling le so hmanh kha a kangh dih hna lai.

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

DEUTERONOMI 32:37

Cu tikah, ‘An pathian hna, an i dornak lungpi cu, Khuazei ah dah an si kun,

DEUTERONOMI 32:31

An lungpi cu kan Lungpi bantuk a si lo, Kan ral hna cu mihrut an si.

LEVITIKAS 6:13

Biakṭheng cungah cun mei alhter a si thluangthluan lai; a mih awk a si lai lo.

ISAIAH 30:33

Assiria siangpahrang khanghnak dingah meiphu nganpi tihnak ding hmun kha hlan piin timh a si cang. Cu meiphu tihnak ding hmun cu thukpi le kau piin cawh a si i a chung khat in thing chiah a si. Cu meiphu duahnak dingah cun Bawipa nih a thaw ah meizik a chuah lai i cu nih cun a alhter lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 5:26

Bawipa nih, lamhlapi i a ummi miphun kha, ra u, tiah hmelchunhnak a pek hna. Vanhramdeng in fifik in a kawh hna. An ra cang, khulrang in an ra cang.

ISAIAH 10:16

Atu i khim lirliar in rawl a eimi hna cungah Bawipa nih rai a tlunter lai. An takpum chungah khan mei bantukin a kang pengmi a um lai.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 27:7

Israel kha Bawipa nih dan a tatmi cu, a ral hna a tatmi hna tluk khan cun a fak lo, minung zong a ral hna tluk khan cun an thi lo.

ISAIAH 66:15

Bawipa cu mei he a ra lai. A thin a huntertu hna dantat awkah ṭotho a run i cit lai i a ra lai.

ISAIAH 17:13

Miphun hna cu hmailei ah rili tilet bangin an kal, sihmanhsehlaw Pathian nih a sik hna i an kir, tlang cung i thli nih a choihmi leidip bantuk le phuchim nih a choihmi capawl bantuk an si.

ISAIAH 37:37

Cu tikah Assiria siangpahrang cu aa let i Nineveh khua ah khan a kir.