ISAIAH 31:5 - Lai (Hakha) Common Language Bible 2006

⁵ Va nih a fale kha huhphenh awkah a bu cungah aa hel lengmang bantukin keimah Ralkapbu Bawipa zong nih Jerusalem cu ka huhphenh lai i ka humhak lai,” a ti.

ISAIAH 31:5 Խաչաձեւ Հղումներ

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

DEUTERONOMI 32:11

Mupi nih a bu kha a hninh i A fano kha a vun zuanhnawh hna i A thla a vun i samh i, a thla cungah a futter i A zuanpi hna bantukin, Bawipa nih khan a hruai hna;

ISAIAH 38:6

Nangmah le hi khua Jerusalem khua hi Assiria siangpahrang kut chungin kan khamh hna lai i hi khua hi ka huhphenh lai,” a ti, tiah va chim tiah a fial.

ISAIAH 37:35

Keimah nih upatnak ka hmuh nakhnga le ka sal David sin i biakamnak ka rak sermi ruangah khan, hi khua cu ka hum lai i ka huhphenh lai,” a ti.

SALM 37:40

A bawmh hna i a chuah hna; annih nih huhphenhnak hmuh awkah an fuh caah miṭhalo hna kut chung khan a khamh hna.

ISAIAH 10:14

Vawlei cung miphun hna cu va bu bantuk men an si, vate ti hlawm in an chawva cu ka hlawm hna. Ka thin a ka phanter khotu dingah thla a samh ngammi pakhat hmanh an um lo, a ka awnhhnawh ngamtu dingah kaa a ang ngam pakhat hmanh an um lo,” ti in tluang a khawng.

SALM 46:5

Pathian cu khuapi chungah cun a um i zeihmanh nih a hrawk bal lai lo; zingka tein amah bawmh awkah a ra lai.

EXODUS 19:4

“Israel mi cu, ‘Izipt mi cungah ka tuahmi thil kha nan hngalh; cun mupi nih a fa kha a thla in a cawi bantukin kan cawi hna i ka sin kan phakpi hna kha nan hngalh fawn.

EXODUS 12:27

nannih nih, ‘Bawipa sinah pekmi lanhtak thawinak a si, zeicahtiah Izipt mi hna a rak thah hna ah khan Izipt ram i a um vemi Israel mi hna cu kan inn kha a lanhtak hna i kan inn cu a zuah hna,’ tiah nan leh hna lai,’ tiah a chimh hna. Mi zapi cu an khuk an i bil i Bawipa kha an biak.

GENESIS 1:2

vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian ṭhawnnak cu aa chawk.

2 SIANGPAHRANG 19:34

Zeitintiah hi khua cu keimah ruang le ka sal David ruangah khamh awkah ka humhak lai,” tiah Bawipa nih a ti.

2 CHANRELNAK 32:22

Cuticun Bawipa nih Hezekiah le Jerusalem khuami hna cu Assiria siangpahrang Sennakherib kut chung le a ral vialte hna kut chung khan a khamh hna i a kenkip ah dinhnak a pek hna.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 27:3

“Ka mitsur dum cu ka cawngh i ti ka toih zungzal. Ahohmanh nih an hrawh nakhnga lo chunzan in ka cawngh.

ZEKHARIAH 9:14

Bawipa cu an cungah a lang lai i A thal cu nimtlau bangin aa lek lai; Bawipa Pathian nih muko kha a tum lai i Thlanglei ṭotho he khan an kal ṭi lai.

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

ISAIAH 35:4

A lung a dongmi cu, “Na thinphang hlah, lungṭhawng in um ko! Pathian cu nangmah chanh awkah a ra lai, na ral kha na phu a hlam hna lai,” ti hna u.

ZEKHARIAH 9:8

Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.